യുഎഇ ബഹിരാകാശ സഞ്ചാരി സുൽത്താൻ അൽ നെയാദി ബഹിരാകാശത്ത് നിന്ന് അറബിക്കടലിന് മുകളിൽ രൂപപ്പെട്ട ബൈപാർജോയ് ചുഴലിക്കാറ്റിന്റെ അതിശയകരമായ വീഡിയോ സോഷ്യൽ മീഡിയയിലൂടെ പങ്കിട്ടു.
6 മാസത്തെ ബഹിരാകാശ ദൗത്യത്തിൽ ഏർപ്പെട്ടിരിക്കുന്ന യുഎഇയുടെ ബഹിരാകാശ സഞ്ചാരി സുൽത്താൻ അൽ നെയാദി അറബിക്കടലിലെ ഉഷ്ണമേഖലാ ചുഴലിക്കാറ്റിന്റെ രൂപീകരണം കാണിക്കുന്ന ആകർഷകമായ വീഡിയോയാണ് ബഹിരാകാശത്ത് നിന്ന് പകർത്തിയത്.
ബഹിരാകാശത്ത് നിന്നുള്ള ഈ വീഡിയോ കാലാവസ്ഥാ നിരീക്ഷണത്തിൽ ഭൂമിയിലെ വിദഗ്ധരെ സഹായിക്കുകയും വിലപ്പെട്ട ഉൾക്കാഴ്ചകൾ നൽകുകയും ചെയ്യുമെന്ന് അദ്ദേഹം പറഞ്ഞു. ബഹിരാകാശത്ത് നിന്ന് പകർത്തിയ ചിത്രങ്ങളും ഉടൻ പങ്കിടുമെന്ന് അദ്ദേഹം പറഞ്ഞു.
അറബിക്കടലിൽ ഈ മാസം ആദ്യം രൂപപ്പെട്ട ഉഷ്ണമേഖലാ ചുഴലിക്കാറ്റ് ബിപാർജോയ് ഇപ്പോൾ ഇന്ത്യ-പാകിസ്ഥാൻ തീരത്തേക്ക് നീങ്ങുകയാണ്. ഈ ചുഴലിക്കാറ്റ് യുഎഇയെ ബാധിക്കില്ലെന്ന് കാലാവസ്ഥാകേന്ദ്രം (നാഷണൽ സെന്റർ ഓഫ് മെറ്റീരിയോളജി) നേരത്തെ അറിയിച്ചിരുന്നു.
https://twitter.com/Astro_Alneyadi/status/1668565888469983233
