റാസൽഖൈമയിലെ പ്രധാന റോഡുകളിൽ ആർട്ടിഫിഷ്യൽ ഇന്റലിജൻസ് സ്മാർട്ട് ഗേറ്റുകൾ സ്ഥാപിക്കാൻ തുടങ്ങിയതായി റാസൽഖൈമ പോലീസ് ഇന്ന് ഞായറാഴ്ച അറിയിച്ചു. ആർട്ടിഫിഷ്യൽ ഇന്റലിജൻസ് ഉപയോഗിച്ച് പ്രവർത്തിക്കുന്ന ഈ ഗേറ്റുകൾ പോലീസ് ഓപ്പറേഷൻസ് റൂമുമായി ബന്ധിപ്പിച്ചിരിക്കുകയാണ്.
പ്രധാന മേഖലകളിൽ 20 സ്മാർട്ട് ഗേറ്റുകൾ സ്ഥാപിക്കുകയാണെന്ന് റാസൽഖൈമ പോലീസ് കമാൻഡർ ഇൻ ചീഫ് മേജർ ജനറൽ അലി അബ്ദുല്ല ബിൻ അൽവാൻ അൽ നുഐമി പറഞ്ഞു.
സ്മാർട്ട് ക്യാമറകൾ ട്രാഫിക് നിരീക്ഷിക്കുകയും അപകടങ്ങൾ കണ്ടെത്തുകയും ചെയ്യും, അതേസമയം ഓവർഹെഡ് സ്‌ക്രീനുകൾ വാഹനമോടിക്കുന്നവർക്ക് കാലാവസ്ഥയെക്കുറിച്ചോ അപകടങ്ങളെക്കുറിച്ചോ മുന്നറിയിപ്പ് നൽകും. ഇത് അപകടങ്ങളിലും അത്യാഹിതങ്ങളിലും വേഗത്തിൽ പ്രതികരിക്കാൻ പോലീസിന് ഗേറ്റുകൾ സഹായിക്കും.റാസൽഖൈമയുടെ ‘സേഫ് സിറ്റി പദ്ധതിയുടെ’ രണ്ടാം ഘട്ടത്തിന്റെ ഭാഗമാണിത്.
റാസൽഖൈമയെ നിരീക്ഷിക്കുന്ന 10,000 സ്മാർട്ട് ക്യാമറകളുടെ ശൃംഖലയുമായി ഈ ഗേറ്റുകൾ സംയോജിപ്പിക്കുന്നുണ്ട്. റാസൽഖൈമയിലെ വിവിധ പ്രധാന മേഖലകളിൽ “സ്മാർട്ട് സെക്യൂരിറ്റി ആൻഡ് ട്രാഫിക് കൺട്രോൾ സിസ്റ്റം” AI-അധിഷ്ഠിത സുരക്ഷാ സംവിധാനം സജീവമാക്കുക എന്നതാണ് പദ്ധതിയുടെ മൊത്തത്തിലുള്ള ലക്ഷ്യം.
