ഇന്ന് ഫാദേഴ്‌സ് ഡേയോടനുബന്ധിച്ച്, യുഎഇ പ്രസിഡന്റ് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ തന്റെ ട്വിറ്റർ പേജിലൂടെ തന്റെ പിതാവിനെ സ്മരിക്കുകയും ലോകത്തിലുള്ള എല്ലാ പിതാക്കന്മാരുടെ പങ്കിനെ പ്രശംസിക്കുകയും ചെയ്തു.
“യുഎഇക്ക് വേണ്ടി ജീവിതം സമർപ്പിച്ച യുഎഇയുടെ സ്ഥാപക പിതാവായ പരേതനായ ഷെയ്ഖ് സായിദിനായി ഈ ഫാദേഴ്‌സ് ഡേ സമർപ്പിക്കുന്നു, അദ്ദേഹം തന്റെ ജീവിതം യുഎഇയ്‌ക്കായി സമർപ്പിച്ചു, അദ്ദേഹത്തിന്റെ പാരമ്പര്യം ഇന്നും നമ്മെ നയിക്കുന്നു. ഒരേ തത്വങ്ങൾ ഉൾക്കൊള്ളുകയും അവരുടെ കുടുംബങ്ങളെ പോഷിപ്പിക്കുകയും സമൂഹത്തിന് സംഭാവന നൽകുകയും ചെയ്യുന്നതിലും സജീവമായ പങ്ക് വഹിക്കുന്ന എല്ലാ പിതാക്കന്മാരെയും ഞാൻ അഭിവാദ്യം ചെയ്യുന്നു ” യുഎഇ പ്രസിഡന്റ് ട്വിറ്ററിൽ എഴുതി.
അദ്ദേഹത്തിന്റെ ഈ ട്വീറ്റ് പോസ്റ്റ് ചെയ്ത് രണ്ട് മണിക്കൂറുകൾക്കുള്ളിൽ തന്നെ വൈറലായിരുന്നു, തന്റെ പിതാവിനൊപ്പം ഇരിക്കുന്ന കുഞ്ഞുനാളിലെ ചിത്രവും അദ്ദേഹം ട്വിറ്ററിൽ പങ്ക് വെച്ചിരുന്നു.
