യു എ ഇയിൽ അവധിക്കാല യാത്രകൾക്കൊരുങ്ങും മുമ്പ് വാഹനത്തിന്റെ അറ്റകുറ്റപണികൾ പൂർത്തിയാക്കണമെന്നും ടയറുകൾ മികച്ചതാണെന്നും ഉറപ്പുവരുത്തണമെന്ന് അധികൃതർ വീണ്ടും മുന്നറിയിപ്പ് നൽകി.
പെരുന്നാൾ വാരാന്ത്യത്തിന്റെ തുടക്കമാണിത്, പർവതങ്ങളും കടലും ആസ്വദിക്കാനോ അയൽ രാജ്യങ്ങളിലെ വിനോദസഞ്ചാര കേന്ദ്രങ്ങൾ സന്ദർശിക്കാനോ നിരവധി താമസക്കാർ ദീർഘദൂര യാത്രകൾക്കായി പോകുന്ന സമയവുമാണ്. എന്നാൽ റോഡിൽ ഇറങ്ങുന്നതിന് മുമ്പ്, നിങ്ങളുടെ കാർ നല്ല നിലയിലാണെന്നും പ്രത്യേകിച്ച് നിങ്ങളുടെ ടയറുകൾ മികച്ച രൂപത്തിലാണെന്നും ഉറപ്പാക്കേണ്ടത് ഓരോരുത്തരുടെയും കടമയാണെന്ന് യുഎഇ അധികൃതർ ഓർമ്മിപ്പിച്ചു.
ടയറുകളുടെ അവസ്ഥ പരിശോധിച്ച് യാത്ര തുടരണമെന്നും, ടയറുകൾ ശരിയായി വീർപ്പിച്ചിട്ടുണ്ടെന്നും, ടയർ പൊട്ടിത്തെറിച്ച് അപകടങ്ങൾക്ക് കാരണമാകുന്ന വിള്ളലുകളോ മറ്റ് കേടുപാടുകളോ ഉണ്ടെങ്കിൽ അത് പരിഹരിച്ച് മാത്രം യാത്ര തുടരണമെന്നും അബുദാബി പോലീസ് മുന്നറിയിപ്പ് നൽകി.
കേടായതോ പഴകിയതോ ആയ ടയറുകൾ ഉപയോഗിച്ച് വാഹനമോടിച്ച് പിടിക്കപ്പെടുന്നവർക്ക് നാല് ബ്ലാക്ക് പോയിന്റുകളും 500 ദിർഹം പിഴയും ചുമത്തുമെന്ന് പോലീസ് മുന്നറിയിപ്പ് നൽകിയിരുന്നു. ഒരാഴ്ചയോളം വാഹനങ്ങൾ പിടിച്ചിടുകയും ചെയ്യും.
