യുഎഇയിൽ ഇന്നത്തെ കാലാവസ്ഥ ഭാഗികമായി മേഘാവൃതവും പൊടി നിറഞ്ഞതുമായിരിക്കുമെന്ന് ദേശീയ കാലാവസ്ഥാ കേന്ദ്രം അറിയിച്ചു.
ഇന്ന് ശനിയാഴ്ച പുലർച്ചെ 4.30 മുതൽ രാവിലെ 8.30 വരെ മൂടൽമഞ്ഞ് അലർട്ടും പുറപ്പെടുവിച്ചിരുന്നു. രാജ്യത്ത് ഇന്ന് താപനില 49 ഡിഗ്രി സെൽഷ്യസ് വരെ ഉയർന്നേക്കാം. അബുദാബിയിലും ദുബായിലും താപനില 45 ഡിഗ്രി സെൽഷ്യസായി ഉയരും.
അബുദാബിയിൽ 32 ഡിഗ്രി സെൽഷ്യസും ദുബായിൽ 33 ഡിഗ്രി സെൽഷ്യസും ആന്തരിക പ്രദേശങ്ങളിൽ 25 ഡിഗ്രി സെൽഷ്യസും ആയിരിക്കും കുറഞ്ഞ താപനില.
ഇന്ന് രാത്രിയിലും നാളെ ഞായറാഴ്ച രാവിലെയും ഹ്യുമിഡിറ്റി അനുഭവപ്പെടും. അബുദാബിയിൽ 20 മുതൽ 95 ശതമാനം വരെയും ദുബായിൽ 30 മുതൽ 90 ശതമാനം വരെയും ഹ്യുമിഡിറ്റി കൂടും. ചില തീരപ്രദേശങ്ങളിൽ മൂടൽമഞ്ഞ് രൂപപ്പെടാനുള്ള സാധ്യതയുമുണ്ട്.
