ഏറ്റവും മനോഹരമായ കാഴ്ചകകൾ നൽകുന്ന ലോകത്തിലെ മികച്ച 20 കെട്ടിടങ്ങളിൽ ലോകത്തിലെ ഏറ്റവും ഉയരം കൂടിയ കെട്ടിടമായ ദുബായിലെ ബുർജ് ഖലീഫയ്ക്ക് ആറാം സ്ഥാനം. ബിൽഡ് വേൾഡ് നടത്തിയ ഒരു പഠനമനുസരിച്ച്, യാത്രാ മാർഗ്ഗനിർദ്ദേശ പ്ലാറ്റ്‌ഫോമായ ട്രിപഡ്‌വൈസറിലെ ബുർജ് ഖലീഫയുടെ അവലോകനങ്ങളിൽ “മനോഹരമായ കാഴ്ചകൾ” എന്ന പദത്തെക്കുറിച്ച് 2,132 പരാമർശങ്ങൾ ഉണ്ടായിരുന്നു.
ലോകത്തിലെ ഏറ്റവും ഉയരം കൂടിയ കെട്ടിടമായ ബുർജ് ഖലീഫ ഏഷ്യയിലെയും മിഡിൽ ഈസ്റ്റിലെയും ഏറ്റവും മികച്ച കാഴ്ചകളുള്ള ഘടന എന്ന പേരിലും അറിയപ്പെടുന്നു. ലോകത്തിലെ ഏറ്റവും മനോഹരമായ കാഴ്ചകളുള്ള മികച്ച 20 കെട്ടിടങ്ങളുടെ പട്ടികയിലാണ് ആറാം സ്ഥാനം ബുർജ് ഖലീഫ സ്വന്തമാക്കിയത്.
ഫ്രാൻസിലെ പാരീസിലെ ഈഫൽ ടവർ (Eiffel Tower) ആണ് കാഴ്ചയുടെ കാര്യത്തിൽ ഏറ്റവും മികച്ച കെട്ടിടമായി തിരഞ്ഞെടുക്കപ്പെട്ടത്. രണ്ടാം സ്ഥാനം യുഎസിലെ എംപയർ സ്റ്റേറ്റ് ബിൽഡിംഗിനും (Empire State Building), മൂന്നാം സ്ഥാനം ഹംഗറിയിലെ ഹലസ്ബസ്ത്യ (Halaszbastya )ക്കും, നാലാം സ്ഥാനം ഐസ്‌ലൻഡിലെ ഹാൾഗ്രിംസ്കിർക്കക്കുമാണ് ( Hallgrimskirkja ). യുകെയിലെ ജനപ്രിയ ലണ്ടൻ ഐ (London Eye) 2,685 പരാമർശങ്ങളുമായി അഞ്ചാം സ്ഥാനവും നേടി.
