6,000 ചതുരശ്ര മീറ്ററിലധികം വ്യാപിച്ചുകിടക്കുന്ന അത്യാധുനിക എയർകണ്ടീഷൻ ചെയ്ത പഴം-പച്ചക്കറി മാർക്കറ്റ് എന്ന് പറയപ്പെടുന്ന ബ്ലൂം മാർക്കറ്റ് ഇന്ന് തിങ്കളാഴ്ച ദുബായ് മുനിസിപ്പാലിറ്റി ഡയറക്ടർ ജനറൽ ദാവൂദ് അൽ ഹജ്‌രി ഉദ്ഘാടനം ചെയ്തു. ദുബായിലെ സെൻട്രൽ ഫ്രൂട്ട് ആൻഡ് വെജിറ്റബിൾ മാർക്കറ്റിൽ നിന്ന് ഒരു കിലോമീറ്റർ അകലെമാറി റാസൽഖോർ ഇൻഡസ്ട്രിയൽ ഏരിയ 3 യിലാണ് ബ്ലൂം മാർക്കറ്റ് സ്ഥിതി ചെയ്യുന്നത്. അൽ അവീർ എന്ന പ്രദേശത്തിന്റെ പേരിലും ബ്ലൂം മാർക്കറ്റ് അറിയപ്പെടുന്നു.
ഈ ബ്ലൂം മാർക്കറ്റ് മേഖലയിലെ ഏറ്റവും വലിയ ഇൻഡോർ മാർക്കറ്റുകളിലൊന്നാണ്. രണ്ട് നിലകളുള്ള ഇൻഡോർ സൗകര്യം ആധുനിക ലോജിസ്റ്റിക്കൽ സേവനങ്ങൾ, സ്റ്റോറേജ് സൗകര്യങ്ങൾ, ഡിസ്പ്ലേ ഉപകരണങ്ങൾ, മൂന്ന് റെസ്റ്റോറന്റുകൾ എന്നിവയാൽ സജ്ജീകരിച്ചിരിക്കുന്നു. ബേസ്‌മെന്റിൽ 400 പാർക്കിംഗ് സ്ഥലങ്ങളും ട്രക്കുകൾക്ക് പുതിയ ഉൽപ്പന്നങ്ങൾ നേരിട്ട് മാർക്കറ്റിലേക്ക് ഇറക്കാൻ വിശാലമായ സ്ഥലവുമുണ്ട്.
