ദുബായ്: ഇന്ത്യയിലെയും ഗള്‍ഫ് രാജ്യങ്ങളിലെയും ഏറ്റവും വിശ്വാസ്യതയാര്‍ന്ന ആഭരണ ബ്രാന്‍ഡുകളിലൊന്നായ കല്യാണ്‍ ജൂവലേഴ്സ് ഷോപ്പ് & വിന്‍ 3 ടെസ് ല കാര്‍സ് പ്രചാരണത്തിന് തുടക്കമിട്ടു. കല്യാണ്‍ ജൂവലേഴ്സില്‍നിന്നും ആഭരണങ്ങള്‍ വാങ്ങുമ്പോള്‍ ഉപയോക്താക്കള്‍ക്ക് 3 ടെസ് ല കാറുകള്‍ സമ്മാനമായി നേടാനുള്ള അവസരമാണ് ഒരുങ്ങുന്നത്. വിജയികളെ നറുക്കെടുപ്പിലൂടെ കണ്ടെത്തും.
കല്യാണ്‍ ജൂവലേഴ്സില്‍നിന്നും വാങ്ങുന്ന ആഭരണങ്ങള്‍ക്ക് അനുസരിച്ച് ഉപയോക്താക്കള്‍ക്ക് നറുക്കെടുപ്പു കൂപ്പണുകള്‍ ലഭിക്കും. 1000 ദിര്‍ഹത്തിന് സ്വര്‍ണാഭരണങ്ങള്‍ വാങ്ങുമ്പോള്‍ ഒരു റാഫിള്‍ കൂപ്പണും 1000 ദിര്‍ഹത്തിന് അണ്‍കട്ട്, പ്രഷ്യസ് സ്റ്റോണ്‍, ഡയമണ്ട് ആഭരണങ്ങള്‍ വാങ്ങുമ്പോള്‍ രണ്ട് റാഫിള്‍ കൂപ്പണുകളും ലഭിക്കും. നറുക്കെടുപ്പിലൂടെ ടെസ് ല കാറുകള്‍ സമ്മാനമായി നല്‍കുന്ന ഗള്‍ഫ് മേഖലയിലെ ഏറ്റവും വലിയ ഓഫര്‍ കാമ്പെയിനാണിത്. സെപ്റ്റംബര്‍ 19 വരെയാണ് ഓഫറിന്‍റെ കാലാവധി.
ഓരോ പര്‍ച്ചേയ്സിനും ഏറ്റവും മികച്ച മൂല്യം ഉറപ്പുവരുത്തുന്നതിനൊപ്പം മികച്ച ഷോപ്പിംഗ് അനുഭവവും ലഭ്യമാക്കുകയാണെന്ന് കല്യാണ്‍ ജൂവലേഴ്സ് എക്സിക്യൂട്ടീവ് ഡയറക്ടര്‍ രമേഷ് കല്യാണരാമന്‍ പറഞ്ഞു. സമഗ്രമായ ഷോപ്പിംഗ് അനുഭവം ഒരുക്കുന്നതിനായി വലിയ ശ്രമങ്ങളാണ് നടത്തിയിരിക്കുന്നത്. ഇതിന്‍റെ വിപുലീകരണം എന്ന നിലയിലാണ് ഉപയോക്താക്കള്‍ക്ക് ജീവിതകാലത്തിലെ സവിശേഷമായ അവസരവുമായി ഷോപ്പ് & വിന്‍ 3 ടെസ് ല കാര്‍സ് പ്രചാരണത്തിന് തുടക്കമിട്ടത്. കല്യാണ്‍ ജൂവലേഴ്സ് ബ്രാന്‍ഡിന് തുടര്‍ന്നും ഉപയോക്താക്കള്‍ സ്നേഹവും പിന്തുണയും നല്കുമെന്നും ഈ ഉദ്യമം വലിയ വിജയമാക്കി മാറ്റുമെന്നുമാണ് പ്രതീക്ഷയെന്നും അദ്ദേഹം പറഞ്ഞു.
ഉപയോക്താക്കള്‍ക്ക് ഏറ്റവും മികച്ചത് നല്കുക എന്ന പ്രതിബദ്ധതയുടെ ഭാഗമായി കല്യാണ്‍ ജൂവലേഴ്സ് എല്ലാ സ്വര്‍ണാഭരണ പര്‍ച്ചേയ്സിനുമൊപ്പം 4-ലെവല്‍ അഷ്വറന്‍സ് സര്‍ട്ടിഫിക്കറ്റ് നല്കുന്നുണ്ട്. വിവിധ പ്യൂരിറ്റി ടെസ്റ്റുകള്‍ പൂര്‍ത്തിയാക്കിയ ആഭരണങ്ങളാണ് കല്യാണ്‍ ജൂവലേഴ്സ് വിറ്റഴിക്കുന്നത്. ഇതിനൊപ്പം നാലുതലത്തിലുള്ള സാക്ഷ്യപത്രത്തിലൂടെ ഉപയോക്താക്കള്‍ക്ക് ഇന്‍വോയിസില്‍ കാണിച്ചിരിക്കുന്ന ശുദ്ധതയുടെ മൂല്യം ആഭരണങ്ങള്‍ കൈമാറ്റം ചെയ്യുമ്പോഴും വിറ്റഴിക്കുമ്പോഴും ലഭിക്കുമെന്നതാണ് മെച്ചം. കൂടാതെ ജീവിതകാലം മുഴുവന്‍ ബ്രാന്‍ഡ് ഷോറൂമുകളില്‍നിന്ന് സ്വര്‍ണാഭരണങ്ങളുടെ മെയിന്‍റനന്‍സ് സൗജന്യമായി ചെയ്തു കൊടുക്കും.
കല്യാണ്‍ ജൂവലേഴ്സിന്‍റെ വിവാഹ ആഭരണ ബ്രാന്‍ഡായ മുഹൂര്‍ത്ത്, കരവിരുതാല്‍ തീര്‍ത്ത ആന്‍റിക് ആഭരണശേഖരമായ മുദ്ര, ടെംപിള്‍ ആഭരണങ്ങള്‍ അടങ്ങിയ നിമാഹ്, നൃത്തം ചെയ്യുന്ന ഡയമണ്ടുകളായ ഗ്ലോ, സോളിറ്റയര്‍ പോലെ തോന്നിപ്പിക്കുന്ന ഡയമണ്ട് ആഭരണങ്ങളായ സിയാ, അണ്‍കട്ട് ആഭരണങ്ങള്‍ അടങ്ങിയ അനോഖി, നിത്യവും അണിയാനുള്ള ഡയമണ്ട് ആഭരണങ്ങളായ ഹീര, പ്രഷ്യസ് സ്റ്റോണ്‍ ആഭരണങ്ങളായ രംഗ്, ഈയിടെ പുറത്തിറക്കിയ കളേഡ് സ്റ്റോണ്‍സും ഡയമണ്ട് ആഭരണങ്ങളും അടങ്ങിയ ലൈല എന്നിങ്ങനെ ജനപ്രിയ ഹൗസ് ബ്രാന്‍ഡുകളെല്ലാം കല്യാണ്‍ ജൂവലേഴ്സിന്‍റെ ഷോറൂമുകളില്‍ ലഭ്യമാണ്.
ബ്രാന്‍ഡിനെക്കുറിച്ചും ആഭരണശേഖരത്തെക്കുറിച്ചും ഓഫറുകളെക്കുറിച്ചും കൂടുതല്‍ അറിയുന്നതിന് www.kalyanjewellers.net എന്ന വെബ്സൈറ്റ് സന്ദര്‍ശിക്കുക.
