ഹലാൽ ഇതര ഭക്ഷണ ചട്ടങ്ങൾ ലംഘിച്ചതിന് അബുദാബിയിലെ നേപ്പാളി ഹിമാലയൻ റെസ്റ്റോറന്റ് അബുദാബി അഗ്രികൾച്ചർ ആൻഡ് ഫുഡ് സേഫ്റ്റി അതോറിറ്റി അടച്ചുപൂട്ടാൻ ഉത്തരവിട്ടു.
ഹലാൽ ഭക്ഷണത്തിന് ഉപയോഗിക്കുന്ന അതേ ഉപകരണങ്ങൾ ഉപയോഗിച്ച് റെസ്റ്റോറന്റ് ഹലാൽ അല്ലാത്ത ഭക്ഷണം സംഭരിക്കുകയും തയ്യാറാക്കുകയും ചെയ്യുന്നുണ്ടെന്നും രണ്ടും വേർതിരിക്കുന്നതിൽ പരാജയപ്പെട്ടതായും അതോറിറ്റി പറഞ്ഞു. പ്രശ്‌നങ്ങൾ പരിഹരിച്ചുകഴിഞ്ഞാൽ മാത്രമേ റെസ്റ്റോറന്റ് ഇനി വീണ്ടും തുറക്കാനാകൂ.
വീണ്ടും തുറക്കുന്നതിന് മുമ്പ് അതിന്റെ ഉപകരണങ്ങൾ മാറ്റുകയും പരിസരം മുഴുവൻ നന്നായി വൃത്തിയാക്കുകയും അണുവിമുക്തമാക്കുകയും വേണം,” അതോറിറ്റി പറഞ്ഞു. പൊതുജനാരോഗ്യം സംരക്ഷിക്കുന്നതിനും ഭക്ഷ്യ സുരക്ഷാ ആവശ്യകതകൾ പാലിക്കുന്നുണ്ടെന്ന് ഉറപ്പാക്കുന്നതിനും ഇൻസ്പെക്ടർമാർ എമിറേറ്റിലെ റെസ്റ്റോറന്റുകൾ പതിവായി നിരീക്ഷിക്കുന്നുണ്ട്.
ഇത്തരത്തിൽ ഭക്ഷ്യനിയമലംഘനങ്ങൾ ഉണ്ടെങ്കിൽ 800555 എന്ന നമ്പറിൽ വിളിച്ച് അറിയിക്കാനും അതോറിറ്റി പൊതുജനങ്ങളോട് ആവശ്യപ്പെട്ടിട്ടുണ്ട്.
