48 ടൺ മയക്കുമരുന്നും സൈക്കോട്രോപിക് വസ്തുക്കളും കൈവശം വച്ചതിന് ഏഷ്യക്കാരനെ അബുദാബി പോലീസ് അറസ്റ്റ് ചെയ്തു. കേസിൽ അന്വേഷണം ആരംഭിച്ചതായും യുഎഇ പബ്ലിക് പ്രോസിക്യൂഷൻ അറിയിച്ചു.
മയക്കുമരുന്ന് സൂക്ഷിക്കാൻ പ്രത്യേക ഗോഡൗണും പ്രതി ഒരുക്കിയിരുന്നു. വീണ്ടും കടത്തുക എന്ന ഉദ്ദേശത്തോടെയാണ് ഇയാൾ മയക്കുമരുന്ന് രാജ്യത്തേക്ക് കടത്തുകയും ഒളിപ്പിച്ച് വെക്കുകയും ചെയ്തത്. ഇവിടെ നിന്നും 48 ടൺ 693 കിലോഗ്രാം മയക്കുമരുന്നാണ് പിടികൂടിയിട്ടുള്ളത്.
മയക്കുമരുന്ന്, സൈക്കോട്രോപിക് പദാർത്ഥങ്ങൾ എന്നിവയുമായി ബന്ധപ്പെട്ട എന്തെങ്കിലും സംശയാസ്പദമായ പ്രവർത്തനങ്ങൾ ശ്രദ്ധയിൽപ്പെട്ടാൽ റിപ്പോർട്ട് ചെയ്യാനും അതോറിറ്റി പൊതുജനങ്ങളോട് ആവശ്യപ്പെട്ടിട്ടുണ്ട്.
