യുക്രെയ്‌നിലെ യുദ്ധത്തിൽ ദുരിതമനുഭവിക്കുന്നവരെ സഹായിക്കാൻ യുഎഇ 250 ടണ്ണിന്റെ സുപ്രധാന സഹായമെത്തിച്ചു.
വ്യക്തിഗത സാമഗ്രികൾ, ലൈറ്റിംഗ് ഉപകരണങ്ങൾ, പുതപ്പുകൾ എന്നിവ ഉൾപ്പെടുന്ന കയറ്റുമതി ഇന്നലെ തിങ്കളാഴ്ചയാണ് യുഎഇയിൽ നിന്ന് അയച്ചത്. ഉക്രെയ്നിലേക്ക് കൊണ്ടുപോകുന്നതിന് മുമ്പ് കടൽ മാർഗം പോളണ്ടിലും റൊമാനിയയിലും എത്തും. ഓഫീസ് ഓഫ് ഇന്റർനാഷണൽ അഫയേഴ്‌സ്, വിദേശകാര്യ മന്ത്രാലയവുമായി സഹകരിച്ച്, വിദ്യാർത്ഥികൾക്കുള്ള കമ്പ്യൂട്ടറുകൾ ഉൾപ്പെടെയുള്ള സ്കൂൾ സപ്ലൈകളുടെ കൂടുതൽ സംഭാവനകളും തയ്യാറാക്കുന്നുണ്ട്. യുക്രേനിയൻ പ്രസിഡന്റ് വോളോഡിമർ സെലെൻസ്‌കിയുമായി ഷെയ്ഖ് മുഹമ്മദ് സംസാരിച്ചതിന് തൊട്ടുപിന്നാലെയാണ് ഈ നടപടി.
റഷ്യയുമായുള്ള യുദ്ധം ആരംഭിച്ചതു മുതൽ രാജ്യത്തിന് സഹായം എത്തിക്കാൻ യുഎഇ ശ്രമിച്ചിരുന്നു. 2022 ഒക്ടോബറിൽ, പ്രസിഡന്റ് ഷെയ്ഖ് മുഹമ്മദിന്റെ ഉത്തരവിനെത്തുടർന്ന് യുഎഇ ഉക്രെയ്‌നിന് 100 മില്യൺ ഡോളർ മാനുഷിക സഹായം വാഗ്ദാനം ചെയ്തിരുന്നു. റഷ്യയുമായുള്ള സംഘർഷത്തിന്റെ ആഘാതം ലഘൂകരിക്കാൻ യുഎഇ മാനുഷികവും സാമ്പത്തികവുമായ സഹായം തുടർന്നും നൽകുമെന്ന് ഷെയ്ഖ് മുഹമ്മദ് പറഞ്ഞു.
