നൂതനമായ പരിഹാരങ്ങളും മുന്നറിയിപ്പ് സംവിധാനങ്ങളും പ്രയോജനപ്പെടുത്തി ട്രാഫിക് സുരക്ഷാ നിലവാരം വർദ്ധിപ്പിക്കാൻ ലക്ഷ്യമിടുന്ന സലാമ 365 എന്ന പദ്ധതിക്ക് വൈസ് പ്രസിഡന്റും യുഎഇ പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ സാന്നിധ്യത്തിൽ യുഎഇ ഊർജ മന്ത്രി സുഹൈൽ അൽ മസ്റൂയി ഇന്ന് ചൊവ്വാഴ്ച യുഎഇയിൽ തുടക്കം കുറിച്ചു.
ഈ പദ്ധതിയിലൂടെ അടിക്കടി അപകടങ്ങൾ സംഭവിക്കുന്ന റൂട്ടുകളിൽ ഇന്ററാക്ടീവ് മുന്നറിയിപ്പ് സംവിധാനങ്ങൾ ഉപയോഗിക്കുമെന്നും കൂടുതൽ കാൽനട ക്രോസിംഗുകൾ ആവശ്യമുള്ള സ്ഥലങ്ങൾ കണ്ടെത്തുമെന്നും ഊർജ, ഇൻഫ്രാസ്ട്രക്ചർ മന്ത്രി സുഹൈൽ അൽ മസ്റൂയി പറഞ്ഞു.
അപകട ബ്ലാക്ക്‌സ്‌പോട്ടുകൾ കണ്ടെത്തുക, റോഡ് ട്രാഫിക് കൂട്ടിയിടികൾ ഉണ്ടാകുന്ന നിർദ്ദിഷ്ട സ്ഥലങ്ങൾ കണ്ടെത്തുക, കാൽനട ക്രോസിംഗുകളുടെ പ്രാദേശികമായി രൂപകൽപ്പന ചെയ്ത മാതൃക നടപ്പിലാക്കുക, ഡാമുകളും താഴ്വരകളും നിരീക്ഷിച്ച് വെള്ളപ്പൊക്കം ഉണ്ടാകുന്നതിന് മുമ്പ് പ്രവചിക്കുക, സുരക്ഷിതവും സ്‌മാർട്ട് സ്‌കൂൾ മോഡൽ നടപ്പിലാക്കുക എന്നിവയെല്ലാം ഈ പദ്ധതിയിലൂടെ പരിശോധിക്കും.പരീക്ഷണ ഘട്ടത്തിൽ 16 അണക്കെട്ടുകളും ഒമ്പത് പ്രധാന താഴ്വരകളും നിരീക്ഷിക്കുകയും ചെയ്യും.
സലാമ 365 പദ്ധതി റോഡ് മരണങ്ങളുടെയും വാഹനാപകടങ്ങളുടെയും എണ്ണം ഗണ്യമായി കുറയ്ക്കുകയും, ബന്ധപ്പെട്ട ആഗോള സൂചികകളിൽ രാജ്യത്തിന്റെ പ്രകടനം വർധിപ്പിക്കുകയും ചെയ്തുകൊണ്ട് ട്രാഫിക് സുരക്ഷാ നിലവാരം ഉയർത്തുമെന്നും ഊർജ മന്ത്രി പറഞ്ഞു.
Salamah 365 is a major step to enhance traffic safety levels
The UAE is a pioneer in adopting ambitious initiatives and projects and issuing regulations that ensure our dams, roads, and buildings are state of the art. Salamah 365 is a major step to enhance traffic safety levels… pic.twitter.com/DiEAPYOlK4
— سهيل المزروعي (@HESuhail) August 1, 2023
