യുഎഇയിൽ ഇന്നത്തെ ദിവസം പൊതുവെ ഭാഗികമായി മേഘാവൃതമായിരിക്കുമെന്ന് നാഷണൽ സെന്റർ ഓഫ് മെറ്റീരിയോളജി അറിയിച്ചു. ഇന്ന് പകൽ സമയത്ത് പൊടികാറ്റിന് സാധ്യതയുണ്ടെന്നും ഉച്ചയോടെ കിഴക്കും തെക്കും ചില മഴമേഘങ്ങൾ രൂപപ്പെടാനും സാധ്യതയുണ്ടെന്നും ഇത് മഴയ്ക്ക് കാരണമായേക്കാമെന്നും കാലാവസ്ഥാകേന്ദ്രം അറിയിച്ചു.
ഇന്ന് താപനില 49 ഡിഗ്രി സെൽഷ്യസ് വരെ ഉയർന്നേക്കാം. അബുദാബിയിൽ 43 ഡിഗ്രി സെൽഷ്യസിലേക്കും ദുബായിൽ 42 ഡിഗ്രി സെൽഷ്യസിലേക്കും താപനില ഉയരും. എന്നിരുന്നാലും, അബുദാബിയിൽ 33 ഡിഗ്രി സെൽഷ്യസും ദുബായിൽ 35 ഡിഗ്രി സെൽഷ്യസും പർവതപ്രദേശങ്ങളിൽ 23 ഡിഗ്രി സെൽഷ്യസും ആയിരിക്കും കുറഞ്ഞ താപനില.
ഇന്ന് രാത്രിയിലും ഞായറാഴ്ച രാവിലെയും ഹ്യുമിഡിറ്റി അനുഭവപ്പെട്ടേക്കും. ചില തീരപ്രദേശങ്ങളിൽ മൂടൽമഞ്ഞ് രൂപപ്പെടാനുള്ള സാധ്യതയുമുണ്ട്.
