ലിമോസിൻ ഡ്രൈവർമാർ, സ്കൂൾ ബസ് ഡ്രൈവർമാർ, ബസ് സൂപ്പർവൈസർ/അറ്റൻഡർ എന്നിവരെ റിക്രൂട്ട് ചെയ്യുന്നതിനായി ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റിയുടെ അനുബന്ധ സ്ഥാപനമായ ദുബായ് ടാക്സി കോർപ്പറേഷൻ (DTC) വാക്ക്-ഇൻ ഇന്റർവ്യൂ നടത്തുമെന്ന് ഖലീജ് ടൈംസ് റിപ്പോർട്ട് ചെയ്യുന്നു.
റിപ്പോർട്ട് അനുസരിച്ച് വാക്ക്-ഇൻ ഇന്റർവ്യൂ ഓഗസ്റ്റ് 11, വെള്ളിയാഴ്ച രാവിലെ 7 മുതൽ 11 വരെ അബു ഹെയിൽ സെന്ററിലെ പ്രിവിലേജ് ലേബർ റിക്രൂട്ട്‌മെന്റ് ഓഫീസിൽ M -11 ലാണ് നടക്കുക.
7,000 ദിർഹത്തിൽ കൂടുതൽ പ്രതിമാസ വരുമാനമാണ് DTC വാഗ്ദാനം ചെയ്യുന്നത്. ലിമോസിൻ ഡ്രൈവർ ജോലിക്ക് അപേക്ഷിക്കുന്ന അപേക്ഷകർക്ക് രണ്ട് വർഷത്തെ പ്രവൃത്തി പരിചയവും സ്വന്തം രാജ്യത്തിലേയും, യുഎഇ അല്ലെങ്കിൽ ജിസിസി ഡ്രൈവിംഗ് ലൈസൻസും ആവശ്യമാണ്.
സ്കൂൾ ബസ് ഡ്രൈവർ തസ്തികകളിലേക്ക് അപേക്ഷിക്കുന്ന ഉദ്യോഗാർത്ഥികൾക്ക് 2,700 ദിർഹം ശമ്പളം നൽകും. കൂടാതെ 23 നും 45 നും ഇടയിൽ പ്രായമുള്ളവരായിരിക്കണം. യുഎഇ ഡ്രൈവിംഗ് ലൈസൻസും (ഹെവി വെഹിക്കിൾ നമ്പർ 6) ആവശ്യമാണ്.
ബസ് സൂപ്പർവൈസർ/അറ്റൻഡർമാരുടെ ഒഴിവിലേക്ക് ദുബായ് ടാക്സി 23 മുതൽ 45 വയസ്സ് വരെ പ്രായമുള്ള സ്ത്രീകളെയാണ് നിയമിക്കുക. തിരഞ്ഞെടുക്കപ്പെട്ട ഉദ്യോഗാർത്ഥികൾക്ക് 1,500 ദിർഹം-ദിർഹം 1,800 പ്രതിമാസ ശമ്പളവും ആനുകൂല്യങ്ങളും വാഗ്ദാനം ചെയ്യും.
കൂടുതൽ വിവരങ്ങൾക്ക് താഴെയുള്ള ലിങ്കിൽ ഇതിനെക്കുറിച്ച് കൂടുതൽ കണ്ടെത്തുക:
