കള്ളപ്പണം വെളുപ്പിക്കലും തീവ്രവാദത്തിന് ധനസഹായവും നൽകുന്നത് തടയുന്നതുമായി ബന്ധപ്പെട്ടുള്ള നിയമങ്ങൾ പാലിക്കാത്തതിന് യുഎഇയിൽ പ്രവർത്തിക്കുന്ന ഒരു മണി എക്‌സ്‌ചേഞ്ചിന് 4.8 മില്ല്യൺ ദിർഹം പിഴ ചുമത്തി. എക്സ്ചേഞ്ചിൽ കൃത്യമായ ജാഗ്രത നയങ്ങളും നടപടിക്രമങ്ങളും ഇല്ലായിരുന്നുവെന്നാണ് യുഎഇ സെൻട്രൽ ബാങ്ക് കണ്ടെത്തിയിരിക്കുന്നത്.
കള്ളപ്പണം വെളുപ്പിക്കൽ തടയുന്നതിനും തീവ്രവാദത്തിനും നിയമവിരുദ്ധ സംഘടനകൾക്കും ധനസഹായം നൽകുന്നതിനെതിരെയും ഫെഡറൽ നിയമം അനുസരിച്ചാണ് മണി എക്‌സ്‌ചേഞ്ചിന് യുഎഇ സെൻട്രൽ ബാങ്ക് സാമ്പത്തിക ഉപരോധം ഏർപ്പെടുത്തിയത്. എന്നാൽ CBUAE എക്സ്ചേഞ്ചിന്റെ പേര് വെളിപ്പെടുത്തിയിട്ടില്ല.
എല്ലാ എക്‌സ്‌ചേഞ്ച് ഹൗസുകളും അവയുടെ ഉടമകളും ജീവനക്കാരും” രാജ്യത്തിന്റെ സാമ്പത്തിക വ്യവസ്ഥയുടെ “സുതാര്യതയും സമഗ്രതയും സംരക്ഷിക്കുന്ന” ബാധകമായ യുഎഇ നിയമങ്ങളും ചട്ടങ്ങളും മാനദണ്ഡങ്ങളും പാലിക്കണമെന്ന് CBUAE അറിയിച്ചു.
