യു എ ഇയുടെ ചില ഭാഗങ്ങളിൽ ഇന്ന് വൈകുന്നേരം വരെ മഴ പെയ്യുമെന്ന് മുന്നറിയിപ്പ്

യുഎഇയുടെ ചില ഭാഗങ്ങളിൽ ഇന്ന് വൈകുന്നേരം വരെ മഴ പെയ്യുമെന്ന് നാഷണൽ സെന്റർ ഓഫ് മെറ്റീരിയോളജിയുടെ (NCM) മുന്നറിയിപ്പ് നൽകി. അബുദാബിയുടെയും ഫുജൈറയുടെയും ചില ഭാഗങ്ങളിലാണ് മഴ പെയ്യാൻ സാധ്യതയുള്ളത്.

ഉച്ചയ്ക്ക് 1.30 മുതൽ രാത്രി 9 വരെ ഈ പ്രദേശങ്ങളിൽ 40 കിലോമീറ്റർ വേഗതയുള്ള കാറ്റിനൊപ്പം സംവഹന മേഘങ്ങൾ രൂപപ്പെടുകയും മഴ പെയ്യുകയും ചെയ്യാമെന്ന് NCM പറഞ്ഞു. ഔട്ട്ഡോർ പ്രവർത്തനങ്ങൾക്ക് പോകുമ്പോൾ താമസക്കാർ ശ്രദ്ധിക്കണമെന്നും മുന്നറിയിപ്പ് നൽകിയിട്ടുണ്ട്.