യുഎഇയിൽ പുതിയ അധ്യയന വർഷത്തിന് നാളെ തുടക്കം : നാളെ അപകടരഹിത ദിനത്തിൽ സുരക്ഷിതമായി വാഹനമോടിച്ചാൽ ബ്ലാക്ക് പോയിന്റുകൾ കുറയ്ക്കാം

യുഎഇയിൽ രണ്ട് മാസത്തെ ഇടവേളയ്ക്ക് ശേഷം പുതിയ അധ്യയന വർഷത്തിന്റെ ആദ്യ ദിവസമായ നാളെ ഓഗസ്റ്റ് 28 തിങ്കളാഴ്ച ലക്ഷക്കണക്കിന് വിദ്യാർഥികൾ സ്‌കൂളുകളിലേക്ക് തിരിച്ചെത്തും.

എല്ലാവരും സുരക്ഷിതരാണെന്ന് ഉറപ്പാക്കാൻ, ആഭ്യന്തര മന്ത്രാലയം (MoI) നാളെ ഓഗസ്റ്റ് 28 ന് അപകടരഹിത ദിനമായി പ്രഖ്യാപിച്ചിട്ടുണ്ട്. നാളെ അപകടരഹിതമായി സുരക്ഷിതമായി വാഹനമോടിച്ചാൽ ലൈസൻസിലെ 4 ബ്ലാക്ക് പോയിന്റുകൾ ഒഴിവാക്കാനാകും. അതിനായി മന്ത്രാലയത്തിന്റെ വെബ്സൈറ്റിൽ സുരക്ഷാ പ്രതിജ്ഞ എടുക്കാവുന്നതാണ്.

المبادرة الوطنية "يوم بلا حوادث"

The National initiative ‘Accident-Free Day’#يوم_بلا_حوادث#سلامتك_تهمنا#ADayWithoutAccidents#Yoursafetymatterstous pic.twitter.com/n5BOeqE7mr

— وزارة الداخلية (@moiuae) August 26, 2023

ഗുരുതരമായ ട്രാഫിക് നിയമലംഘനങ്ങളുടെ പേരിൽ വാഹനമോടിക്കുന്നവർക്കെതിരെ ചുമത്തുന്ന ശിക്ഷാ നടപടിയാണ് ബ്ലാക്ക് പോയിന്റുകൾ.

• മുന്നിലുള്ള വാഹനത്തിൽ നിന്ന് സുരക്ഷിതമായ അകലം പാലിച്ചില്ലെങ്കിൽ 400 ദിർഹം പിഴയും 4 ബ്ലാക്ക് പോയിന്റുകളും ലഭിക്കാവുന്ന കുറ്റമാണ്.
• റോഡ് മുറിച്ചുകടക്കുന്ന കാൽനടയാത്രക്കാർക്ക് വഴി നൽകിയില്ലെങ്കിൽ 500 ദിർഹം പിഴയും 6 ബ്ലാക്ക് പോയിന്റുകളും ലഭിക്കാവുന്ന കുറ്റമാണ്.
• സീറ്റ് ബെൽറ്റ് ധരിച്ചില്ലെങ്കിൽ 400 ദിർഹം പിഴയും 4 ബ്ലാക്ക് പോയിന്റുകളും ലഭിക്കാവുന്ന കുറ്റമാണ്.
• അമിതവേഗതയുള്ള നിയമലംഘനങ്ങൾക്ക് 300 ദിർഹം മുതൽ 3000 ദിർഹം വരെയാണ് പിഴകൾ, കാരണം വാഹനമോടിക്കുന്നയാൾ വേഗപരിധി മറികടന്ന് എത്ര വേഗത്തിൽ പോകുന്നു എന്നതിന്റെ അടിസ്ഥാനത്തിൽ പിഴ വർദ്ധിക്കും. വേഗപരിധി 80 കിലോമീറ്ററിൽ കൂടുതലാണെങ്കിൽ 3,000 ദിർഹം പിഴയും 23 ബ്ലാക്ക് പോയിന്റും 60 ദിവസത്തേക്ക്‌ വാഹനം കണ്ടുകെട്ടുകയും ചെയ്യും.
• വാഹനമോടിക്കുമ്പോൾ മൊബൈൽ ഫോൺ ഉപയോഗിച്ചാൽ 800 ദിർഹം പിഴയും, 4 ബ്ലാക്ക് പോയിന്റുകളും ലഭിക്കാവുന്ന കുറ്റമാണ്.
• പോലീസ്, പബ്ലിക് സർവീസ് വാഹനങ്ങൾക്കോ ​​ഔദ്യോഗിക വാഹനവ്യൂഹങ്ങൾക്കോ ​​വഴി നൽകിയില്ലെങ്കിൽ 1,000 ദിർഹം പിഴയും, 6 ബ്ലാക്ക് പോയിന്റുകളും ലഭിക്കാവുന്ന കുറ്റമാണ്.
• റോഡിൽ പെട്ടെന്ന് തെന്നിമാറിയാൽ 1,000 ദിർഹം പിഴയും 4 ബ്ലാക്ക് പോയിന്റുകളും ലഭിക്കാവുന്ന കുറ്റമാണ്.
• സ്‌കൂൾ ബസിന്റെ സ്‌റ്റോപ്പ് ബോർഡുകൾ പുറത്തുള്ളപ്പോൾ വാഹനം നിർത്താതിരുന്നാൽ 1000 ദിർഹം പിഴയും 10 ബ്ലാക്ക് പോയിന്റുകളും ലഭിക്കാവുന്ന കുറ്റമാണ്.
• തെറ്റായ പാർക്കിംഗിന് 500 ദിർഹം പിഴയും പ്രത്യേക ആവശ്യങ്ങളുള്ള ആളുകൾക്കായി നീക്കിവച്ചിരിക്കുന്ന സ്ഥലങ്ങളിലോ വാഹനം നിർത്തിപ്പോകുകയാണെങ്കിൽ 1,000 ദിർഹം പിഴയും ആറ് ബ്ലാക്ക് പോയിന്റുകളും ലഭിക്കാവുന്ന കുറ്റമാണ്.
• 10 വയസ്സിന് താഴെയോ 145 സെന്റിമീറ്ററിൽ താഴെയോ പ്രായമുള്ള കുട്ടികളെ വാഹനത്തിന്റെ മുൻസീറ്റിൽ ഇരിക്കാൻ അനുവദിക്കില്ല, ഈ നിയമലംഘനത്തിന് 400 ദിർഹം പിഴ ലഭിക്കാവുന്ന കുറ്റമാണ്.