നെടുമ്പാശേരി വിമാനത്താവളത്തിൽ വ്യാജ ബോംബ് ഭീഷണി (Kochi Airport Bomb Threat). അജ്ഞാത സന്ദേശം ലഭിച്ചതിനെ തുടർന്ന് റൺവേയിലേക്ക് നീങ്ങിയ ഇൻഡിഗോ വിമാനം തിരിച്ചുവിളിച്ചു പരിശോധിച്ചു. എന്നാൽ അസ്വാഭാവികമായി ഒന്നും കണ്ടെത്താനായില്ല.
രാവിലെ 10:40ന് ബെംഗളൂരുവിലേക്ക് പുറപ്പെടേണ്ട ഇൻഡിഗോ വിമാനത്തിൽ ബോംബ് വെച്ചിട്ടുണ്ടെന്നായിരുന്നു അജ്ഞാത സന്ദേശം. വിമാനം റൺവേയിലേക്ക് നീങ്ങിയതിനുശേഷമാണ് സന്ദേശം ലഭിച്ചത്. ഇതേ തുടർന്ന് വിമാനം തിരിച്ചുവിളിച്ചു യാത്രക്കാരെയും ലഗേജും പുറത്തിറക്കി ബോംബ് സ്ക്വാഡിൻ്റെ നേതൃത്വത്തിൽ പരിശോധന തുടങ്ങുകയായിരുന്നു.
