ഹത്ത വെള്ളച്ചാട്ടം പദ്ധതി പുരോഗമിക്കുന്നു : ചിത്രങ്ങൾ പുറത്ത്

ഏറെ പ്രതീക്ഷയോടെ കാത്തിരിക്കുന്ന ഹത്ത സുസ്ഥിര വെള്ളച്ചാട്ടം പദ്ധതി (Hatta Sustainable Waterfalls project ) പുരോഗമിക്കുന്നതിന്റെ ചിത്രങ്ങൾ അധികൃതർ പുറത്ത് വിട്ടു. ഹത്ത സൈറ്റിൽ നിർമ്മാണം നന്നായി പുരോഗമിക്കുന്നതായി കാണിക്കുന്ന ചിത്രങ്ങളാണ് ഇന്ന് ബുധനാഴ്ച പുറത്തുവിട്ടിരിക്കുന്നത്.

ചിത്രങ്ങളിലൊന്നിൽ വെള്ളച്ചാട്ടത്തിൽ നിന്ന് മറ്റേ അറ്റത്തുള്ള തടാകത്തിലേക്ക് വെള്ളം ഒഴുകുന്ന കനാലിന്റെ പാതയും മറ്റൊരു ചിത്രത്തിൽ പ്രോജക്റ്റിലെ ഷോപ്പുകൾ എങ്ങനെയായിരിക്കുമെന്നതിന്റെ കാഴ്ചകളേയും കാണിക്കുന്നു.

46 മില്യൺ ദിർഹത്തിന്റെ ഈ പദ്ധതിയിലൂടെ സുസ്ഥിര പ്രകൃതി പരിസ്ഥിതി സൃഷ്ടിക്കുമെന്ന് ദുബായ് ഇലക്‌ട്രിസിറ്റി ആൻഡ് വാട്ടർ അതോറിറ്റി എംഡിയും സിഇഒയുമായ സയീദ് മുഹമ്മദ് അൽ തായർ പറഞ്ഞു. ഹത്ത പ്ലാന്റിന്റെ മുകളിലെ അണക്കെട്ടിന്റെ ചരിവ് ഉപയോഗിച്ച് പ്രകൃതിദത്തമായ വെള്ളച്ചാട്ടം സൃഷ്ടിക്കും. അണക്കെട്ടിന് താഴെ ജലപാത നിർമിക്കും. വെള്ളച്ചാട്ടത്തിൽ ഉപയോഗിക്കുന്ന വെള്ളം അരുവിയുടെ അറ്റത്ത് ശേഖരിച്ച് റീസൈക്കിൾ ചെയ്ത് വീണ്ടും അണക്കെട്ടിന്റെ മുകളിലേക്ക് പമ്പ് ചെയ്യും.

വെള്ളച്ചാട്ടം വിനോദസഞ്ചാരികൾക്ക് അതുല്യമായ അനുഭവം നൽകുമെന്നും ഹത്ത പർവതങ്ങളുടെ സൗന്ദര്യം പ്രദർശിപ്പിക്കുമെന്നും അൽ തായർ പറഞ്ഞു. പ്രകൃതിദത്ത തേൻ, പ്രാദേശിക ഉൽപ്പന്നങ്ങൾ, സുവനീറുകൾ എന്നിവ വിൽക്കുന്ന കടകൾക്ക് പുറമെ കോഫി ഷോപ്പുകൾ, റെസ്റ്റോറന്റുകൾ, കുട്ടികളുടെ കളിസ്ഥലങ്ങൾ എന്നിവയും ഇവിടെ ഉണ്ടായിരിക്കും. യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ ഗ്രാന്റ് നടപ്പിലാക്കുമ്പോൾ ഹത്തയിൽ താമസിക്കുന്ന പൗരന്മാർക്ക് സൗജന്യ റീട്ടെയിൽ ഷോപ്പുകൾ നൽകും.

HE Saeed Mohammed Al Tayer, MD & CEO of DEWA, has inspected the construction work at the Hatta Sustainable Waterfalls project. The AED 46 million project is part of DEWA’s social and investment responsibility to make Hatta a distinctive tourist destination. #DEWANews pic.twitter.com/RMyh4NQsLI

— DEWA | Official Page (@DEWAOfficial) September 20, 2023