യുഎഇയിൽ ഇന്ന് 2023 സെപ്റ്റംബർ 23 മുതൽ ശരത്കാല സീസണിന് ആരംഭമാകും. ഇന്നലെ സെപ്തംബർ 22 വേനൽക്കാലത്തിന്റെ അവസാന ദിവസമായി അടയാളപ്പെടുത്തി. വരും ദിവസങ്ങളിൽ താപനില കുറയുമെന്നാണ് പ്രതീക്ഷിക്കുന്നത്
യുഎഇയിൽ നാഷണൽ സെന്റർ ഓഫ് മെറ്റീരിയോളജിയുടെ വരാനിരിക്കുന്ന ആഴ്ചയിലെ കാലാവസ്ഥാ പ്രവചനത്തിൽ നേരിയതോ ഭാഗികമായോ മേഘാവൃതമായ കാലാവസ്ഥയാണുള്ളത്, പകൽ സമയത്ത് നേരിയ കാറ്റും, ആഴ്ചയിലെ ചില ദിവസങ്ങളിൽ അതിരാവിലെ മൂടൽമഞ്ഞ് രൂപപ്പെടാനുള്ള സാധ്യതയുണ്ട്. രാജ്യത്തിന്റെ ആന്തരിക പ്രദേശങ്ങളിൽ താപനില 25 ഡിഗ്രി സെൽഷ്യസ് വരെ കുറയുമെന്നും പരമാവധി 46 ഡിഗ്രി സെൽഷ്യസിൽ എത്തുമെന്നും പ്രതീക്ഷിക്കുന്നു.