ദുബായിൽ ഉപഭോക്താക്കൾക്ക് വേഗമേറിയതും സൗകര്യപ്രദവുമാക്കുന്നതിനായി അടുത്ത വർഷം മുതൽ ഭക്ഷണം ഡെലിവറി ചെയ്യാൻ ഡ്രോണുകൾ ഉപയോഗിക്കാനാകുന്ന സാധ്യതകൾ തെളിയുകയാണ്.
ദുബായിൽ കഴിഞ്ഞ ദിവസങ്ങളിൽ നടന്ന ജൈറ്റക്‌സ് എക്സിബിഷനിൽ ഡ്രോണുകൾ ഉപയോഗിച്ചുകൊണ്ടുള്ള ഡെലിവറി എങ്ങനെ സംഭവിക്കുമെന്ന് അവതരിപ്പിച്ചിരുന്നു. ഭക്ഷണത്തിനും പാനീയങ്ങൾക്കും ഓർഡർ നൽകിയതോടെ ലാൻഡിംഗ് പോർട്ടിൽ പ്രവർത്തിക്കുന്ന ഒരു കിയോസ്കിൽ നാല് മിനിറ്റിനുള്ളിൽ ഡെലിവർ ചെയ്യുകയും ചെയ്തു. ദുബായ് ആസ്ഥാനമായുള്ള FEDS ഡ്രോൺ പവർഡ് സൊല്യൂഷൻസ് (FEDS), ചൈനീസ് കമ്പനിയായ Meituan UAS (Unmanned Aircraft Systems) എന്നിവരാണ് ഈ പ്രോജക്റ്റ് പ്രദർശിപ്പിച്ചത്.
ഡ്രോൺ ഡെലിവറി മനുഷ്യൻ ചെയ്യുന്ന ഡെലിവറിക്ക് മികച്ച ബദൽ സംവിധാനമാണെന്നും, വായുവിൽ ട്രാഫിക് ഇല്ലാത്തതിനാൽ ഓർഡർ വേഗത്തിൽ എത്തിച്ചേരുമെന്നും FEDS സ്ഥാപകനും സിഇഒയുമായ റാബിഹ് ബൗ റാച്ചെദ് പറഞ്ഞു.
താഴ്ന്ന കെട്ടിടങ്ങളുള്ള കമ്മ്യൂണിറ്റിയിൽ ഒരു പൈലറ്റ് ടെസ്റ്റ് ഏരിയ അടുത്ത വർഷത്തോടെ പ്രവർത്തനക്ഷമമാകുമെന്നും, ഡ്രോണുകൾ ഉപയോഗിച്ചുകൊണ്ടുള്ള ഡെലിവറിയുടെ പൂർണ്ണ തോതിലുള്ളതും നഗരവ്യാപകവുമായ പ്രവർത്തനം അടുത്ത രണ്ട് വർഷത്തിനുള്ളിൽ നടക്കുമെന്നാണ് പ്രതീക്ഷിക്കുന്നതെന്നും അദ്ദേഹം പറഞ്ഞു. കഴിഞ്ഞ രണ്ട് വർഷമായി ചൈനയിലെ മൂന്ന് പ്രധാന നഗരങ്ങളിൽ റേച്ചഡ് നോട്ടഡ് ഡ്രോൺ ഡെലിവറി സിസ്റ്റം ഉപയോഗിച്ചുവരുന്നുണ്ട്.
