ഈജിപ്തിലെ റഫ ക്രോസിംഗ് വിദേശ കുടിയൊഴിപ്പിക്കപ്പെട്ടവർക്കും ഗാസയിൽ നിന്ന് പരിക്കേറ്റ സാധാരണക്കാർക്കുമായി തുറന്നതോടെ, വൈദ്യചികിത്സയ്ക്കായി ആയിരം ഫലസ്തീൻ കുട്ടികളെ യുഎഇയിലേക്ക് കൊണ്ടുവന്ന് ചികിത്സ നൽകാൻ പ്രസിഡന്റ് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ അടിയന്തര നിർദേശം നൽകി.
ലോകമെമ്പാടുമുള്ള ദുരിതമനുഭവിക്കുന്നവരെ സഹായിക്കാനുള്ള രാജ്യത്തിന്റെ ശ്രമങ്ങളുടെ ഭാഗമാണ് ഈ അടിയന്തര നിർദേശം. വിദേശകാര്യ മന്ത്രി ഷെയ്ഖ് അബ്ദുല്ല ബിൻ സായിദ് അൽ നഹ്യാനും ഇന്റർനാഷണൽ കമ്മിറ്റി ഓഫ് റെഡ് ക്രോസ് പ്രസിഡന്റ് മിർജാന സ്പോൾജാറിക്കും തമ്മിലുള്ള ഫോൺ കോളിലാണ് ഇക്കാര്യം അറിയിച്ചത്.
യുദ്ധത്തിൽ തകർന്ന ഗാസ മുനമ്പിൽ നിന്നുള്ള കുട്ടികൾക്ക് ആതിഥ്യമരുളാനും അവർക്ക് വൈദ്യചികിത്സ നൽകാനുമുള്ള ഈ സംരംഭം, ഫലസ്തീൻ ജനതയ്ക്ക്, പ്രത്യേകിച്ച് കുട്ടികൾക്ക് ആശ്വാസം നൽകാനുള്ള യുഎഇയുടെ തുടർച്ചയായ ശ്രമങ്ങളുടെ ഒരു ഭാഗം കൂടിയാണ്
