ടൂറിസ്റ്റ് സന്ദർശനങ്ങൾ വർദ്ധിപ്പിക്കുന്നതിനും സമ്പദ്‌വ്യവസ്ഥയിൽ ഗുണിത പ്രഭാവം കൊണ്ടുവരുന്നതിനുമായി 20 രാജ്യങ്ങളിൽ നിന്നുള്ള യാത്രക്കാർക്ക് സൗജന്യ എൻട്രി വിസ നൽകാൻ ഇന്തോനേഷ്യൻ ടൂറിസം ആൻഡ് ക്രിയേറ്റീവ് ഇക്കണോമി മന്ത്രാലയം നിർദ്ദേശിച്ചതായി സ്റ്റേറ്റ് ന്യൂസ് ഏജൻസി (ANTARA) റിപ്പോർട്ട് ചെയ്തു.
നിലവിലുള്ള വിസ ഇളവുകൾ ഒഴികെ ഏറ്റവും കൂടുതൽ വിദേശ വിനോദസഞ്ചാരികളുള്ള ഓസ്‌ട്രേലിയ, ചൈന, ഇന്ത്യ, ദക്ഷിണ കൊറിയ, യുണൈറ്റഡ് സ്റ്റേറ്റ്‌സ്, യുകെ, ഫ്രാൻസ്, ജർമ്മനി, ഖത്തർ, യുണൈറ്റഡ് അറബ് എമിറേറ്റ്‌സ്, സൗദി അറേബ്യ, നെതർലാൻഡ്‌സ്, ജപ്പാൻ, റഷ്യ, തായ്‌വാൻ, ന്യൂസിലാൻഡ്, ഇറ്റലി, സ്‌പെയിൻ എന്നിങ്ങനെ 20 രാജ്യങ്ങളെയാണ് മന്ത്രാലയം നിർദ്ദേശിച്ചിരിക്കുന്നതെന്ന് ടൂറിസം, ക്രിയേറ്റീവ് ഇക്കണോമി മന്ത്രി സാൻഡിയാഗ സലാഹുദ്ദീൻ യുനോ ജക്കാർത്തയിൽ പറഞ്ഞു. ഈ 20 രാജ്യങ്ങൾ കൂടാതെ രണ്ട് മിഡിൽ ഈസ്റ്റേൺ രാജ്യങ്ങൾ കൂടിയുണ്ട്.. ഈ രാജ്യങ്ങളുടെ പേരുകൾ ഇപ്പോൾ പുറത്തിവിട്ടിട്ടില്ല.
20 രാജ്യങ്ങളിലേക്ക് സൗജന്യ എൻട്രി വിസ നൽകുന്നത് വിദേശ വിനോദസഞ്ചാരികളുടെ എണ്ണം വർദ്ധിപ്പിക്കുമെന്നും ആഭ്യന്തര ഉപഭോഗം വർദ്ധിപ്പിക്കാനും നിക്ഷേപം ആകർഷിക്കാനും ഡിജിറ്റൽ സമ്പദ്‌വ്യവസ്ഥയുടെ വികസനത്തിന് പിന്തുണ നൽകാനും കഴിയുമെന്ന് യുനോ പറഞ്ഞു.
