യുഎഇ നിവാസികൾക്ക് വരും ദിവസങ്ങളിൽ കൂടുതൽ തണുത്ത താപനില പ്രതീക്ഷിക്കാമെന്നും അതുപോലെ തന്നെ രാജ്യത്തെ കാലാവസ്ഥ പ്രവചനാതീതമായി തുടരുമെന്ന് പ്രതീക്ഷിക്കുന്നതായും നാഷണൽ സെന്റർ ഓഫ് മെറ്റീരിയോളജി (NCM ) വക്താവ് ഡോ. അഹമ്മദ് ഹബീബ് പറഞ്ഞു.
ഇന്ന് വ്യാഴാഴ്ച മുതൽ വെള്ളിയാഴ്ച വരെ ദുബായിലെ താപനില 2 മുതൽ 4 ഡിഗ്രി സെൽഷ്യസോളം വരെ കുറയാൻ സാധ്യതയുണ്ട്. പരമാവധി താപനില 25 ഡിഗ്രി സെൽഷ്യസ് ആയി ഉയരുമെന്നാണ് പ്രതീക്ഷിക്കുന്നത്. വൈകുന്നേരത്തെ താപനില 17 ഡിഗ്രി സെൽഷ്യസായി കുറയും. കൂടാതെ, യുഎഇയുടെ ചില പ്രദേശങ്ങളിൽ നേരിയ മഴയ്ക്ക് സാധ്യതയുണ്ട്, അതേസമയം റാസൽഖൈമയിൽ കനത്ത മഴയ്ക്ക് സാധ്യതയാണുള്ളത്.
അബുദാബിക്കും ദുബായ്ക്കും ഇടയിലുള്ള പ്രദേശം. പടിഞ്ഞാറോട്ട് നീങ്ങുന്ന ന്യൂനമർദ്ദം യു.എ.ഇ.ക്ക് മുകളിലൂടെ അതിവേഗം കടന്നുപോകുന്നതിനാലാണിത് സംഭവിക്കുന്നത്.
ദ്വീപുകളിലും ചില തീരദേശ, വടക്കൻ പ്രദേശങ്ങളിലും മഴ പെയ്യാൻ സാധ്യതയുള്ള ചില സമയങ്ങളിൽ ഭാഗികമായി മേഘാവൃതമായിരിക്കുമെന്നതിനാൽ ആന്തരിക, വടക്കൻ പ്രദേശങ്ങളിൽ ഹ്യുമിഡിറ്റിയുണ്ടായിരിക്കുമെന്നും അദ്ദേഹം പറഞ്ഞു.
റാസൽഖൈമ മേഖലയിൽ, പ്രത്യേകിച്ച് യുഎഇയുടെ വടക്കൻ പ്രദേശങ്ങളിൽ, മഴ പെയ്യാനുള്ള സാധ്യത വർധിപ്പിച്ച് മേഘാവൃതമാകുമെന്ന് പ്രതീക്ഷിക്കുന്നു. തുടർന്ന്, അത് കിഴക്കോട്ട് മാറുകയും ഫുജൈറയിലെ പ്രത്യേക പ്രദേശങ്ങളെ ബാധിക്കുകയും ചെയ്യും.
