ടോൾ ഗേറ്റ് ഓപ്പറേറ്റർ സാലിക് നടപ്പിലാക്കിയ തടസ്സരഹിത സംവിധാനം ഉപയോഗിച്ച് ദുബായ് മാളിലെ പാർക്കിംഗ് ഉടൻ പണമടച്ചുള്ള സേവനമായി മാറുമെന്ന് മാനേജ്‌മെന്റ് അറിയിച്ചു.
ഇതനുസരിച്ച് ദുബായ് മാളിൽ തടസ്സങ്ങളില്ലാത്തതും കാര്യക്ഷമവുമായ പാർക്കിംഗ് മാനേജ്‌മെന്റ് സംവിധാനം നൽകുന്നതിനായി സാലിക് ഇന്ന് വെള്ളിയാഴ്ച എമാർ മാളുകളുമായി സഹകരണ കരാർ ഒപ്പുവെച്ചിട്ടുണ്ട്. കരാറിന്റെ നിബന്ധനകൾ പ്രകാരം, മാൾ ഉപഭോക്താക്കൾക്ക് സുഗമവും തടസ്സമില്ലാത്തതുമായ പാർക്കിംഗ് അനുഭവം സാധ്യമാക്കാൻ സാലിക്കിന്റെ സാങ്കേതികവിദ്യ വിന്യസിക്കും.
2024-ന്റെ മൂന്നാം പാദത്തോടെ ഈ സംവിധാനം പ്രവർത്തനക്ഷമമാകുമെന്നാണ് പ്രതീക്ഷിക്കുന്നത്. എമാർ മാൾസ് ഈ പ്രോജക്റ്റിന്റെ ബിസിനസ്സ് നിയമങ്ങൾ അന്തിമമാക്കിയതിന് ശേഷം നിരക്കുകൾ തീരുമാനിക്കുമെന്ന് സാലിക് പറഞ്ഞു.
