മൂന്ന് ദിവസമായി കാണാതായ യുഎഇ സ്വദേശിയെ സൗദി അറേബ്യയിൽ സുരക്ഷിതമായി കണ്ടെത്തി
യുഎഇ നമ്പർ പ്ലേറ്റുള്ള വെള്ള നിസാൻ പട്രോൾ ഓടിച്ചിരുന്ന അഹമ്മദ് മുഹമ്മദ് അൽ മെൻഹാലി എന്ന യുഎഇ പൗരനെയാണ് കാണാതായത്. ഖലാമത്ത് ഫൈസൽ ഏരിയയ്ക്ക് സമീപമുള്ള തന്റെ ഫാമിലേക്ക് പോകുമ്പോൾ ഹജ്റ അൽ തവീല പെട്രോൾ സ്റ്റേഷനിൽ നിന്നാണ് അദ്ദേഹത്തിന്റെ കോൾ അവസാനമായി ലഭിച്ചത്. മരുഭൂമിയിൽ വെച്ച് വാഹനത്തിൽ ഇന്ധനം തീർന്നതിനെ തുടർന്ന് അൽ മെൻഹാലിക്ക് വഴി നഷ്ടപ്പെടുകയായിരുന്നെന്നാണ് പിന്നീട് അറിയാൻ കഴിഞ്ഞത്.
പിന്നീട് ഒരു സൗദി സന്നദ്ധ സംഘടനയ്ക്ക് പോലീസിൽ നിന്ന് റിപ്പോർട്ട് ലഭിക്കുകയും കിഴക്കൻ സൗദി അറേബ്യയിലെ യുഎഇ അതിർത്തിക്ക് സമീപമുള്ള അൽ തുവൈർ മേഖലയിൽ തിരച്ചിൽ ഏകോപിപ്പിക്കുകയും ചെയ്യുകയായിരുന്നു. അധികൃതരുടെയും സന്നദ്ധ പ്രവർത്തകരുടെയും സംയുക്ത പരിശ്രമത്തിലൂടെ, മൂന്ന് ദിവസത്തെ സമ്പർക്കത്തിന് ശേഷം ചൊവ്വാഴ്ച അൽ മെൻഹാലിയെ കണ്ടെത്തി.