2023-ൽ ദുബായ് എയർപോർട്ടുകളിലൂടെയുള്ള തടസ്സങ്ങളില്ലാത്ത യാത്രയ്ക്കായി 21 മില്യണിലധികം യാത്രക്കാർ ബയോമെട്രിക് ആക്സസ് ഉപയോഗിച്ചതായി ദുബായിലെ ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സ് (GDRFA Dubai) തിങ്കളാഴ്ച വെളിപ്പെടുത്തി.
ഈ സ്മാർട്ട് മാർഗങ്ങളിൽ അവരുടെ വിരലടയാളം തിരിച്ചറിയാനുള്ള സാങ്കേതികവിദ്യയും ആളില്ലാ പാസ്‌പോർട്ട് നിയന്ത്രണത്തിലൂടെയും ആക്സസ് ചെയ്യുന്നതിനുള്ള “ഫേസ്‌പ്രിൻ്റ്” (മുഖം തിരിച്ചറിയൽ) എന്നിവ ഉൾപ്പെടുന്നു. ഇത് യാത്രക്കാരുടെ യാത്രയിൽ ചെലവഴിക്കുന്ന സമയം കുറയ്ക്കുന്നതിനും ഇമിഗ്രേഷൻ ഏരിയയിലെ യാത്രക്കാരുടെ ചലനത്തിൻ്റെ കാര്യക്ഷമതയും വേഗതയും വർദ്ധിപ്പിക്കുന്നതിനും സഹായിച്ചു.
ദുബായ് ഇൻ്റർനാഷണൽ എയർപോർട്ടിൽ ഇലക്ട്രോണിക് ഗേറ്റുകളുടെ ഉപയോഗം 2002 ലാണ് ആരംഭിച്ചത്, അത് പ്രധാനമായും ഇ-ഗേറ്റ് കാർഡിനെ ആശ്രയിച്ചിരിക്കുന്നു. 2017-ൽ, ഐ സ്‌കാനിനു പുറമേ പാസ്‌പോർട്ട് ഡോക്യുമെൻ്റ്, എമിറേറ്റ്‌സ് ഐഡി, ഇലക്ട്രോണിക് ഗേറ്റ് കാർഡ് എന്നിവയിൽ പ്രവർത്തിച്ചിരുന്ന സ്മാർട്ട് ഗേറ്റുകളിലേക്ക് ഞങ്ങൾ മാറിയെന്ന് ജിഡിആർഎഫ്എ ദുബായിലെ എയർ പോർട്ട്‌സ് സെക്‌ടറിൻ്റെ അസിസ്റ്റൻ്റ് ഡയറക്‌ടർ ജനറൽ മേജർ ജനറൽ തലാൽ അൽ ശൻഖീതി പറഞ്ഞു:
