യുഎഇയിൽ നിന്നുള്ള പ്രവാസികൾക്ക് പണമയക്കുന്നതിനുള്ള ഫീസ് 15 ശതമാനം വർധിപ്പിക്കുമെന്ന് ഫോറിൻ എക്‌സ്‌ചേഞ്ച് ആൻഡ് റെമിറ്റൻസ് ഗ്രൂപ്പ് (FERG) ഇന്ന് ഫെബ്രുവരി 12 തിങ്കളാഴ്ച പ്രഖ്യാപിച്ചു. 2.5 ദിർഹത്തിന് തുല്യമായ ഫീസ് 15 ശതമാനം വർധിപ്പിക്കാൻ അധികാരികളിൽ നിന്ന് അനുമതി ലഭിച്ചതായി യുഎഇയിലെ എക്‌സ്‌ചേഞ്ച് ഹൗസുകളെ പ്രതിനിധീകരിക്കുന്ന ഫോറിൻ എക്‌സ്‌ചേഞ്ച് ആൻഡ് റെമിറ്റൻസ് ഗ്രൂപ്പ് പറഞ്ഞു.
എക്‌സ്‌ചേഞ്ച് ഹൗസുകളുടെ ബ്രാഞ്ചുകൾ വഴി നൽകുന്ന പണമയയ്‌ക്കൽ സേവനങ്ങൾക്കാണ് ഫീസ് വർദ്ധനയുണ്ടാകുക. ഡിജിറ്റൽ മത്സരക്ഷമത നിലനിർത്താൻ മൊബൈൽ ആപ്പുകൾ വഴി നൽകുന്ന പണമടയ്ക്കൽ മാറ്റമില്ലാതെ തുടരുകയോ കുറയുകയോ ചെയ്യും.
