പുരുഷൻമാരുടെ സൈക്ലിംഗ് റേസ് കാരണം തിങ്കളാഴ്ച അബുദാബിയിൽ അൽ ദഫ്‌റ മേഖലയിലെ മദീനത്ത് സായിദിൽ ഉച്ചയ്ക്ക് 12.35 മുതൽ 4.30 വരെ റോഡ് അടച്ചിടുമെന്ന് അബുദാബിയിലെ ഇൻ്റഗ്രേറ്റഡ് ട്രാൻസ്‌പോർട്ട് സെൻ്റർ അറിയിച്ചു.
അൽ ദഫ്ര വാക്ക് മദീനത്ത് സായിദ് മുതൽ ലിവ പാലസ് വരെ 143 കിലോമീറ്റർ ദൂരത്തിലാണ് സൈക്ലിംഗ് റേസിന്റെ ആദ്യ ഘട്ടം.
ഐടിസി നൽകിയ മാപ്പ് അനുസരിച്ച്, ആദ്യ അടച്ചിടൽ ഉച്ചയ്ക്ക് 12.35 മുതൽ ഉച്ചയ്ക്ക് 1 വരെയും തുടർന്ന് രണ്ടാം ഘട്ടം ഉച്ചയ്ക്ക് 1 മുതൽ 1.45 വരെയും നടക്കും.
മൂന്നാം ഘട്ടം ഉച്ചയ്ക്ക് 1.45 മുതൽ 1.55 വരെയും നാലാം ഘട്ടം 1.55 മുതൽ 2.15 വരെയുമാണ്. അഞ്ചാം ഘട്ടം 2.15 മുതൽ 3.05 വരെയും ആറാം ഘട്ടം 3.05 മുതൽ 3.30 വരെയും ആയിരിക്കും.
ഏഴാം ഘട്ടം ഉച്ചകഴിഞ്ഞ് 3.30 മുതൽ 3.40 വരെയും എട്ടാമത്തെയും അവസാനത്തെയും ഘട്ടം 3.40 മുതൽ 4.30 വരെയും ആയിരിക്കും.
