ഉമ്മുൽ ഖുവൈനിലെ റോഡിൽ റേസിങ്ങിൽ ഏർപ്പെട്ട നിരവധി ഡ്രൈവർമാരെ അറസ്റ്റ് ചെയ്തിട്ടുണ്ടെന്ന് ഉമ്മുൽ ഖുവൈൻ പോലീസ് ഇന്ന് അറിയിച്ചു. അവരുടെ വാഹനങ്ങളും പോലീസ് കണ്ടുകെട്ടിയിട്ടുണ്ട്.
ഡ്രൈവർമാരുടെ അപകടകരമായ ഈ പെരുമാറ്റം വാഹനമോടിക്കുന്നവരുടെ ജീവൻ അപകടത്തിലാക്കുക മാത്രമല്ല, മറ്റ് റോഡ് ഉപയോക്താക്കൾക്ക് ഗുരുതരമായ ഭീഷണിയുയർത്തുകയും ചെയ്‌തെന്ന് പോലീസ് പറഞ്ഞു.
അപകടങ്ങൾ ഒഴിവാക്കാനും സ്വത്തിനും ജീവനും സംരക്ഷണം നൽകാനും വാഹനമോടിക്കുന്നവരും റോഡ് ഉപയോഗിക്കുന്നവരും നിയമം പാലിക്കണമെന്നും ട്രാഫിക് നിയമങ്ങൾ പാലിക്കണമെന്നും പോലീസ് ആവശ്യപ്പെട്ടു.
