ദുബായിൽ ഫോട്ടോഗ്രാഫിക്ക് വേണ്ടിയുള്ള മ്യൂസിയം പദ്ധതി ഇന്ന് 2024 നവംബർ 27 ന് ഉദ്ഘാടനം ചെയ്തു
പ്രാദേശിക തലത്തിലും ആഗോളതലത്തിലും ഫോട്ടോഗ്രാഫിയുടെ ചരിത്രം രേഖപ്പെടുത്തുന്ന ദുബായ് ഫോട്ടോഗ്രാഫി മ്യൂസിയം പദ്ധതി ദുബായ് കൾച്ചർ ആൻഡ് ആർട്‌സ് അതോറിറ്റി (ദുബായ് കൾച്ചർ) ചെയർപേഴ്‌സൺ ഷെയ്ഖ ലത്തീഫ ബിൻത് മുഹമ്മദ് ബിൻ റാഷിദ് അൽ മക്തൂം ആണ് ഉദ്ഘാടനം ചെയ്തത്.
പ്രാദേശികവും അന്തർദേശീയവുമായ ഫോട്ടോഗ്രാഫി പ്രതിഭകളുടെ വൈവിധ്യമാർന്ന യാത്രകളും ഈ മ്യൂസിയത്തിലൂടെ ആഘോഷിക്കും.
ദുബായ് കൾച്ചറും സ്വകാര്യ മേഖലയും തമ്മിലുള്ള സഹകരണ സംരംഭമായ ഈ മ്യൂസിയം, ദൃശ്യകലകളുടെ ആഗോള കേന്ദ്രമെന്ന നിലയിൽ ദുബായ് എമിറേറ്റിൻ്റെ സ്ഥാനം ശക്തിപ്പെടുത്താനും ലക്ഷ്യമിടുന്നു.
ദുബായുടെ ക്രിയേറ്റീവ് ലാൻഡ്‌സ്‌കേപ്പിലേക്കുള്ള പുതിയ കൂട്ടിച്ചേർക്കലായ ഈ ദുബായിലെ ഫോട്ടോഗ്രാഫി മ്യൂസിയം ലോകമെമ്പാടുമുള്ള ഫോട്ടോഗ്രാഫർമാരെ ഒരുമിച്ച് കൊണ്ടുവരുന്നതിനും വൈദഗ്ധ്യം കൈമാറുന്നതിനും അറിവ് പങ്കിടുന്നതിനും ആഴത്തിലാക്കുന്നതിനും യുവാക്കൾക്കും ഫോട്ടോഗ്രാഫി പ്രേമികൾക്കുമായി വിദ്യാഭ്യാസ വിഭവങ്ങളും ശിൽപശാലകളും വാഗ്ദാനം ചെയ്യുന്ന ഫോട്ടോഗ്രാഫിയുടെ ഒരു പ്രമുഖ അന്താരാഷ്ട്ര കേന്ദ്രമായും പ്രവർത്തിക്കും.
