യുഎഇയുടെ ദേശീയ ദിനാഘോഷ വേളയിൽ ലോകത്തിലെ ഏറ്റവും ഉയരം കൂടിയ കെട്ടിടമായ ദുബായിലെ ബുർജ് ഖലീഫയിൽ ഒരു പുതിയ ലൈറ്റിംഗ് സംവിധാനം ഉണ്ടായിരിക്കുമെന്ന് എമാർ പ്രോപ്പർട്ടീസ് അറിയിച്ചു.
829.8 മീറ്റർ ഉയരമുള്ള ബുർജ് ഖലീഫ കെട്ടിടത്തിൽ ഡൈനാമിക് RGBW ലൈറ്റിംഗ് സിസ്റ്റം ആണ് ഘടിപ്പിച്ചിരിക്കുന്നത്. കെട്ടിടത്തിൻ്റെ വാസ്തുവിദ്യാ കലയുമായി ഈ അത്യാധുനിക സാങ്കേതികവിദ്യ സമന്വയിപ്പിച്ചിട്ടുണ്ടെന്നും എമാർ പ്രോപ്പർട്ടീസ് പറഞ്ഞു
ഡിസംബർ ഒന്നിന് നടക്കുന്ന ഈദ് അൽ ഇത്തിഹാദ് ആഘോഷവേളയിൽ ഈ പുതിയ സംവിധാനം അരങ്ങേറും. 2025 ജനുവരി 4 ന് 15-ാം വാർഷികം ആഘോഷിക്കാൻ ഒരുങ്ങുകയാണ് ബുർജ് ഖലീഫ.
