യുഎഇയുടെ ചില ഭാഗങ്ങളിൽ ഇന്നലെ രാത്രി വൈകിയും ഇന്നു രാവിലെയും നേരിയ മഴ പെയ്തു. മേഘാവൃതമായ കാലാവസ്ഥയും മഴ പെയ്യാൻ സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം നേരത്തെ പ്രവചിച്ചിരുന്നു.
ഇന്ന് ജബൽ ജെയ്‌സിൽ താപനില 2.2 ഡിഗ്രി സെൽഷ്യസായി കുറഞ്ഞു. ദുബായിലെ ഉം സുഖീം, ജുമൈറ, അൽ സഫ, അൽ ജദ്ദാഫ് എന്നിവിടങ്ങളിൽ മഴ റിപ്പോർട്ട് ചെയ്തു. സുരക്ഷാ നിയമങ്ങൾ ആവർത്തിച്ച് വാഹനമോടിക്കുന്നവരോട് കൂടുതൽ ജാഗ്രത പാലിക്കണമെന്നും ദുബായ് പോലീസ് അഭ്യർത്ഥിച്ചു. സാവധാനം ഡ്രൈവ് ചെയ്യുക, റോഡിൻ്റെ അരികിൽ നിന്ന് മാറി നിൽക്കുക. ലോ-ബീം ഹെഡ്‌ലൈറ്റുകൾ ഓണാക്കി വൈപ്പറുകൾ പ്രവർത്തിക്കുന്നുണ്ടെന്ന് ഉറപ്പാക്കണമെന്നും പോലീസ് പറഞ്ഞു.
