നിരോധിത നിറങ്ങൾ അടങ്ങിയ മരഗാട്ടി ചിക്കൻ സ്റ്റോക്ക് ഉൽപ്പന്നങ്ങൾ യുഎഇയിലുടനീളമുള്ള പ്രാദേശിക വിപണികളിൽ ലഭ്യമല്ലെന്ന് കാലാവസ്ഥാ വ്യതിയാന പരിസ്ഥിതി മന്ത്രാലയം (MoCCae) ഇന്ന് മാർച്ച് 4 ചൊവ്വാഴ്ച സ്ഥിരീകരിച്ചു.
പൊതുജനാരോഗ്യം സംരക്ഷിക്കുന്നതിനുള്ള നിരന്തരമായ ശ്രമങ്ങൾക്ക് ഊന്നൽ നൽകിക്കൊണ്ട്, ഭക്ഷ്യ സുരക്ഷ ഉറപ്പാക്കുന്നതിനും ഉപഭോക്താക്കളെ സംരക്ഷിക്കുന്നതിനുമുള്ള മന്ത്രാലയത്തിന്റെ പ്രതിബദ്ധതയാണ് ഈ തീരുമാനത്തിലൂടെ വ്യക്തമാകുന്നത്‌.
ഫെബ്രുവരി 28 ന് സൗദി ഫുഡ് & ഡ്രഗ് അതോറിറ്റി (SFDA) മരഗാട്ടി ചിക്കൻ സ്റ്റോക്ക് ക്യൂബുകൾ വിപണികളിൽ നിന്ന് പിൻവലിച്ചിരുന്നു. ഉൽപ്പന്നത്തിൽ കൃത്രിമ നിറങ്ങൾ അടങ്ങിയിട്ടുണ്ടെന്ന് കണ്ടെത്തിയതിനെ തുടർന്നാണ് ഈ സ്ഥിരീകരണം. ഉപഭോക്താക്കൾക്ക് ആരോഗ്യപരമായ അപകടസാധ്യതകൾ ഉണ്ടാകുമെന്നതിനാൽ ഇവ നിരോധിച്ചിട്ടുണ്ട്.
ജനുവരിയിൽ, കളർ അഡിറ്റീവുകൾ അടങ്ങിയ ഉൽപ്പന്നങ്ങൾ “സജീവമായി നിരീക്ഷിച്ചുകൊണ്ട്” ഭക്ഷ്യസുരക്ഷയിൽ ജാഗ്രത ശക്തമാക്കിയതായും മന്ത്രാലയംപറഞ്ഞു.
