യുഎഇയിൽ ഇന്ന് ഞായറാഴ്ച രാവിലെ രാജ്യത്തിന്റെ വിവിധ ഭാഗങ്ങളിൽ മൂടൽമഞ്ഞിന്റെ സാധ്യതയുള്ളതിനാൽ യുഎഇയുടെ നാഷണൽ സെന്റർ ഓഫ് മെറ്റീരിയോളജി ( NCM ) ചുവപ്പും മഞ്ഞയും അലേർട്ടുകൾ പുറപ്പെടുവിച്ചു.
ഇന്ന് ഞായറാഴ്ച മൊത്തത്തിൽ ആകാശം ഭാഗികമായി മേഘാവൃതമായിരിക്കുമെന്നും എൻ‌സി‌എമ്മിന്റെ കാലാവസ്ഥാ ബുള്ളറ്റിൻ പറയുന്നു. ചില സമയങ്ങളിൽ പ്രത്യേകിച്ച് പടിഞ്ഞാറൻ ദിശയിൽ നേരിയ മഴയ്ക്ക് സാധ്യതയുണ്ടെന്നും NCM പ്രവചനം പറയുന്നു.
അബുദാബിയിലും ദുബായിലും ഭാഗികമായി മേഘാവൃതമായ കാലാവസ്ഥയായിരിക്കും, രണ്ട് നഗരങ്ങളിലും പരമാവധി താപനില 20 ഡിഗ്രി സെൽഷ്യസിനും 32 ഡിഗ്രി സെൽഷ്യസിനും ഇടയിലായിരിക്കുമെന്നാണ് പ്രവചിക്കപ്പെട്ടിട്ടുള്ളത്.
