കേരളത്തിൽ കോ വിഡ് പരിശോധന നിർബന്ധമാക്കുന്നു. രോഗ ലക്ഷണമുള്ളവർ കോ വിഡ് പരിശോധിക്കണം. ആൻറിജൻ ടെസ്‌റ്റ് ചെയ്യണം, ഫലം നെഗറ്റീവെങ്കിൽ RT-PCR ചെയ്യണമെന്ന് ആരോഗ്യവകുപ്പ് അറിയിച്ചു . രോഗം ഗുരുതരമാകാൻ സാധ്യതയുള്ളവർ മാസ്‌ക് നിർബന്ധമാക്കണം.
കോ വിഡ് രോഗികളെ പ്രത്യേക വാർഡിൽ പാർപ്പിക്കണമെന്നും നിർദേശമുണ്ട്. രോഗലക്ഷണങ്ങള്‍ ഉള്ളവരെ പ്രത്യേകം ശ്രദ്ധിക്കണമെന്നാണ് ആരോഗ്യവകുപ്പിന്റെ നിര്‍ദേശം. ശ്വാസതടസ്സം, കടുത്ത നെഞ്ചുവേദന, രക്തസമ്മര്‍ദ്ദം കുറയല്‍, തലചുറ്റല്‍ മുതലായ ലക്ഷണങ്ങള്‍ പ്രത്യേകം ശ്രദ്ധിക്കണം. രോഗം ഗുരുതരമാകാന്‍ സാധ്യതയുള്ള ഹൈ റിസ്‌ക് വിഭാഗത്തിലുള്ളവര്‍ നിര്‍ബന്ധമായും പൊതുസ്ഥലത്ത് മാസ്‌ക് ധരിക്കണമെന്നാണ് നിര്‍ദേശം. രോഗലക്ഷണങ്ങള്‍ ഉള്ളവര്‍ ദുരിതാശ്വാസ ക്യാമ്പുകളിലുണ്ടെങ്കില്‍ മാസ്‌ക് ധരിക്കണം.
ആശുപത്രികളില്‍ കൂട്ടിരിപ്പുകാര്‍ ഉള്‍പ്പെടെ നിര്‍ബന്ധമായും മാസ്‌ക് ധരിക്കണം. കൊ വിഡ് പരിശോധനയ്ക്ക് ജില്ലകളിലെ ആര്‍ടിപിസിആര്‍ സംവിധാനങ്ങള്‍ ഉപയോഗിക്കണം. പൊതുഇടങ്ങളിലെ മാസ്‌ക് ഉപയോഗം പരമാവധി പ്രോത്സാഹിപ്പിക്കണം. ആശുപത്രികളില്‍ സന്ദര്‍ശകരുടേയും കൂട്ടിരിപ്പുകാരുടേയും എണ്ണം പരമാവധി നിയന്ത്രിക്കണമെന്നും ആരോഗ്യവകുപ്പ് പുറത്തിറക്കിയ മാര്‍ഗനിര്‍ദേശങ്ങളില്‍ പറയുന്നു.
കേരളത്തിൽ നിലവിലുള്ളത് 1435 കോ വിഡ് രോഗികളാണ്. എട്ട് മരണവും സ്‌ഥിരീകരിച്ചു. രാജ്യത്ത് ഏറ്റവും കൂടുതൽ രോഗിബാധിതർ കേരളത്തിലാണ്.
