യുഎഇ ദേശീയ ദിനം; സൗജന്യ പാർക്കിംഗ് പ്രഖ്യാപിച്ച് അബുദാബി
അബുദാബി: ദേശീയ ദിനത്തോടനുബന്ധിച്ച് സൗജന്യ പാർക്കിംഗ് പ്രഖ്യാപിച്ച് അബുദാബി. നവംബർ 30 മുതൽ മൂന്ന് ദിവസത്തേക്കാണ് സൗജന്യ പാർക്കിംഗ്. ഡിസംബർ 3 ബുധനാഴ്ച്ച മുതൽ പാർക്കിംഗ് ഫീസ് വീണ്ടും ഈടാക്കി തുടങ്ങും. ഡാർബ്ബ് ടോളുകളും നവംബർ 30, ഡിസംബർ 1, ഡിസംബർ 3 തീയതികളിൽ സൗജന്യമായിരിക്കും.
അതേസമയം, യുഎഇ ദേശീയ ദിന അവധിയോട് അനുബന്ധിച്ച് ദുബായിലും മൂന്ന് ദിവസം സൗജന്യ പൊതു പാർക്കിംഗ് പ്രഖ്യാപിച്ചു. നവംബർ 30 ഞായറാഴ്ച്ചയും ഈദ് അൽ ഇത്തിഹാദ് അവധിയായ ഡിസംബർ 1 തിങ്കളാഴ്ച്ചയും ഡിസംബർ 2 ചൊവ്വാഴ്ച്ചയും പൊതു പാർക്കിംഗ് സൗജന്യമായിരിക്കും. ഡിസംബർ 3 ബുധനാഴ്ച മുതൽ പാർക്കിംഗ് ഫീസ് വീണ്ടും ഈടാക്കി തുടങ്ങുമെന്ന് ദുബായ് റോഡ് ആൻഡ് ട്രാൻസ്‌പോർട്ട് അതോറിറ്റി വ്യക്തമാക്കി. മൾട്ടി-സ്റ്റോറി കാർ പാർക്കുകളിലും അൽ ഖൈൽ ഗേറ്റ് N-365ലും സൗജന്യ പാർക്കിംഗ് ബാധകമായിരിക്കില്ലെന്നും അധികൃതർ കൂട്ടിച്ചേർത്തു.
