യാത്രക്കാരുടെ എണ്ണത്തില് റെക്കോഡ് വര്ധനവുമായി ഇത്തിഹാദ് എയര്വേയ്സ്. 22.4 മില്യൺ യാത്രക്കാരാണ് 2025ല് എത്തിഹാദ് എയര്വേയ്സില് യാത്ര ചെയ്തത്. വര്ഷം തോറുമുള്ള കണക്ക് പ്രകാരം 21 ശതമാനത്തിന്റെ വര്ധനയാണ് കണക്കാക്കുന്നത്. എത്തിഹാദ് എയര്ലൈനിന്റെ ചരിത്രത്തിലെ ഏറ്റവും ഉയര്ന്ന വാര്ഷിക ടോട്ടലാണ് 2025ല് രേഖപ്പടുത്തിയത്.
പാസഞ്ചര് ലോഡ് ഫാക്ടര് 2024 നെ അപേക്ഷിച്ച് രണ്ട് പോയിന്റ് കൂടിയതോടെ 88.3 ശതമാനത്തിലെത്തി. വര്ഷം മുഴുവന് തുടര്ന്ന മികച്ച വാണിജ്യ പ്രകടനത്തിന്റെ അടയാളമായാണ് ഇത് വിലയിരുത്തപ്പെടുന്നത്. ഡിസംബറില് മാത്രം 2.2 മില്യൺ യാത്രക്കാരാണ് ഇത്തിഹാദ് എയര്വേയ്സ് വഴി യാത്ര ചെയ്തത്.
കഴിഞ്ഞ ഡിസംബറിനെ അപേക്ഷിച്ച് 28 ശതമാനമാണ് വര്ധനവ്. വര്ഷാവസാന യാത്രാ കാലയളവില് ഉയര്ന്ന ഉപയോഗക്ഷമത നിലനിര്ത്തിക്കൊണ്ട്, മാസത്തിലെ പാസഞ്ചര് ലോഡ് ഫാക്ടര് 87.6 ശതമാനത്തിലെത്തി.
