ഇത്തിഹാദ് റെയിൽ (Etihad Rail) പാസഞ്ചർ സർവീസുകളുടെ ഔദ്യോഗിക ഉദ്ഘാടനത്തിന്റെ ഭാഗമായി അബുദാബി, ദുബായ്, ഫുജൈറ സ്റ്റേഷനുകളിൽ സംഘടിപ്പിച്ച വർണ്ണാഭമായ ലൈറ്റ് ആന്റ് ലേസർ ഷോകളുടെ അവസാന ദിനം ഇന്ന് (വെള്ളി, ഒക്ടോബർ 2). രാത്രി 7 മണി മുതൽ പുലർച്ചെ 1 മണി വരെയാണ് ഈ ദൃശ്യവിരുന്ന് ഒരുക്കിയിരിക്കുന്നത്.
ഇത്തിഹാദ് റെയിൽ പാസഞ്ചർ നെറ്റ്‌വർക്കിന്റെ തുടക്കം പ്രമാണിച്ച് അബുദാബി, ദുബായ്, ഫുജൈറ സ്റ്റേഷനുകളിൽ ആണ് പ്രകാശമാനമായ ലേസർ ഷോകളാണ് ഒരുക്കിയിരിക്കുന്നത്.
ഒക്ടോബർ 2 വെള്ളിയാഴ്ച രാത്രിയാണ് പൊതുജനങ്ങൾക്കായി ഈ ലൈറ്റ് ഷോ കാണാനുള്ള അവസാന അവസരം.
സെപ്റ്റംബർ 30-നാണ് അബുദാബി എം.ബി.സെഡ് സിറ്റിയിൽ പാസഞ്ചർ നെറ്റ്‌വർക്ക് ഔദ്യോഗികമായി ഉദ്ഘാടനം ചെയ്തത്.
ആദ്യ ഘട്ടത്തിൽ അബുദാബി – ഫുജൈറ യാത്രയ്ക്ക് ഏകദേശം 1 മണിക്കൂർ 45 മിനിറ്റാണ് യാത്രാ സമയം.
ദുബായ് സ്റ്റേഷൻ (ജുമൈറ ഗോൾഫ് എസ്റ്റേറ്റ്സ്) ദുബായ് മെട്രോ റെഡ് ലൈനുമായി (Jumeirah Golf Estates Metro Station) 400 മീറ്റർ നീളമുള്ള നടപ്പാലം വഴി നേരിട്ട് ബന്ധിപ്പിച്ചിരിക്കുന്നു.
ഡിസംബർ 30, 2026-ഓടെ അൽ ദഫ്ര മേഖലയിലെ സ്റ്റേഷനുകളും, 2027 മാർച്ച് 30-ഓടെ ഷാർജ സ്റ്റേഷനും പ്രവർത്തനക്ഷമമാകും. രാജ്യത്തെ 7 എമിറേറ്റുകളിലെ 11 നഗരങ്ങളെ ബന്ധിപ്പിക്കുന്നതാണ് ഈ പദ്ധതി.
