അബുദാബി – അൽ ഐൻ റോഡിലെ വേഗപരിധിയിൽ മാറ്റം വരുത്തിയതായി അബുദാബി പോലീസ്

അബുദാബി-അൽ ഐൻ റോഡിലെ വേഗപരിധി മണിക്കൂറിൽ 160 കിലോമീറ്ററിൽ നിന്ന് 140 കിലോമീറ്ററായി കുറച്ചതായി അബുദാബി പോലീസ് ഇന്ന് ബുധനാഴ്ച അറിയിച്ചു.
പോലീസിന്റെയും അബുദാബിയുടെ ഇന്റഗ്രേറ്റഡ് ട്രാൻസ്‌പോർട്ട് സെന്ററിന്റെയും സംയുക്ത ഉപദേശം അനുസരിച്ച് അൽ ഐൻ സിറ്റിയുടെ ദിശയിലുള്ള അൽ സദ് പാലം മുതൽ അൽ അമേറ പാലം വരെ ഈ പരമാവധി വേഗത ബാധകമാകും.
നവംബർ 14 തിങ്കളാഴ്ച മുതൽ മാറ്റങ്ങൾ നടപ്പിലാക്കുമെന്ന് അധികൃതർ അറിയിച്ചു.