റാസൽഖൈമയിലെ 23,550 സുപ്രധാന സ്ഥാപനങ്ങളിലായി 180,836 സിസിടിവി ക്യാമറകൾ സ്ഥാപിച്ചിട്ടുണ്ടെന്ന് റാസൽഖൈമ പോലീസ് അറിയിച്ചു.
ക്ലോസ്ഡ് സർക്യൂട്ട് ടെലിവിഷൻ ക്യാമറകളുടെ ശൃംഖല 24 മണിക്കൂറും ആഴ്ചയിൽ ഏഴു ദിവസവും പ്രവർത്തിക്കുന്നത് കുറ്റകൃത്യങ്ങൾ തടയുന്നതിനും സുരക്ഷ ശക്തിപ്പെടുത്തുന്നതിനുമാണ് ലക്ഷ്യമിടുന്നതെന്ന് അധികൃതർ പറഞ്ഞു.
അധികാരികൾ കണ്ടെത്തിയ എല്ലാ സ്ഥലങ്ങളിലും ഇപ്പോൾ സിസിടിവി ഇൻസ്റ്റാളേഷൻ നിർബന്ധമാണ്. സർക്കാർ വകുപ്പുകൾ, വ്യാപാര സ്ഥാപനങ്ങൾ, പാർപ്പിട കോമ്പൗണ്ടുകൾ, പാർക്കിംഗ് സ്ഥലങ്ങൾ, പള്ളികൾ, സുപ്രധാന സ്ഥലങ്ങൾ, ഹോട്ടലുകൾ, പാലങ്ങൾ, ബാങ്കുകൾ, സ്വർണക്കടകൾ, സ്‌കൂളുകൾ എന്നിവയുൾപ്പെടെ 23,550 സ്ഥാപനങ്ങളിലും ക്യാമറകൾ ഡിജിറ്റൽ നിരീക്ഷണത്തിലാക്കിയിട്ടുണ്ട്.
അടുത്ത ഘട്ടത്തിൽ പൊതുഗതാഗത വാഹനങ്ങളിലും ടാക്സികളിലും ക്യാമറകൾ ഘടിപ്പിക്കും. ഈ ക്യാമറകൾ സ്പെസിഫിക്കേഷനുകൾ പാലിക്കുകയും 90 ദിവസം വരെ ഡിജിറ്റൽ ചിത്രങ്ങൾ സൂക്ഷിക്കുകയും ചെയ്യും. എന്തെങ്കിലും കുറ്റകൃത്യം നടന്നാൽ ക്യാമറകൾ പരിശോധിക്കാൻ പോലീസിന് മാത്രമാണ് അനുമതിയുണ്ടാകുക.
