ബഹിരാകാശ ദൗത്യങ്ങളിൽ പങ്കാളികളുടെ പേലോഡുകൾ കൊണ്ടുപോകാനും വിന്യസിക്കാനും സഹായിക്കുന്ന ഒരു പുതിയ ഉപഗ്രഹം വിക്ഷേപിച്ച് ബഹിരാകാശ പര്യവേഷണ ചരിത്രത്തിൽ പുതിയ അധ്യായമെഴുതാൻ യുഎഇ ഒരുങ്ങുന്നു.
പേലോഡ് ഹോസ്റ്റിംഗ് സംരംഭമായ PHI-Demoയുടെ ആദ്യ ദൗത്യത്തിനായി മുഹമ്മദ് ബിൻ റാഷിദ് സ്പേസ് സെന്റർ (MBRSC) ഷെഡ്യൂൾ ചെയ്തിരിക്കുന്ന വിക്ഷേപണ തീയതി ജൂൺ 27 ആണ്. യുഎഇ സമയം ഉച്ചകഴിഞ്ഞ് 3:34 ന് ആണ് ലിഫ്റ്റ്-ഓഫ്. പിഎച്ച്ഐ-ഡെമോ റഷ്യയുടെ വോസ്റ്റോക്നി കോസ്‌മോഡ്രോമിൽ നിന്ന് സോയൂസ്-2 റോക്കറ്റിലായിരിക്കും പ്രോഗ്രാമിന്റെ കന്നി ദൗത്യം കുതിച്ചുയരുക
എം‌ബി‌ആർ‌എസ്‌സിയും യുണൈറ്റഡ് നേഷൻസ് ഓഫീസ് ഫോർ ഔട്ടർ സ്പേസ് അഫയേഴ്‌സും (UNOOSA) തമ്മിലുള്ള സംയുക്ത സംരംഭമാണ് ഈ PHI-ഡെമോ മിഷൻ. ബഹിരാകാശ പ്രവേശനം നൽകുന്നതിനും പുതിയ ബഹിരാകാശ സാങ്കേതികവിദ്യകളുടെ സുസ്ഥിര പുരോഗതി ത്വരിതപ്പെടുത്തുന്നതിനുമാണ് ഇത് രൂപകൽപ്പന ചെയ്തിരിക്കുന്നത്. കർശനമായ പാരിസ്ഥിതിക, ഫ്ലൈറ്റ് അവലോകന വിലയിരുത്തലുകൾക്ക് ശേഷം, IoT കമ്മ്യൂണിക്കേഷൻ പേലോഡ്, ഗ്രീൻ ആൻഡ് സേഫ് പ്രൊപ്പൽഷൻ സബ്സിസ്റ്റം എന്നീ രണ്ട് പങ്കാളികളുടെ സാങ്കേതിക പേലോഡുകളാണ് ഈ ദൗത്യത്തിൽ വഹിക്കുന്നത്.
IoT കമ്മ്യൂണിക്കേഷൻ പേലോഡ് : എംബിആർഎസ്‌സിയുടെ സ്പേസ് വെഞ്ചേഴ്‌സ് സംരംഭത്തിന് കീഴിലുള്ള യുഎഇ ആസ്ഥാനമായുള്ള സ്റ്റാർട്ടപ്പായ ഒക്യു ടെക്‌നോളജിയാണ് വിപുലമായ ഐഒടി കമ്മ്യൂണിക്കേഷൻ പേലോഡ് രൂപകൽപ്പന ചെയ്തിരിക്കുന്നത്. അത്യാധുനിക 5G സാങ്കേതികവിദ്യ ഉപയോഗിച്ച് വിദൂര പ്രദേശങ്ങൾ, വ്യവസായങ്ങൾ, സ്വയംഭരണ വാഹനങ്ങൾ എന്നിവയിലെ IoT ഉപകരണങ്ങളിൽ നിന്ന് ശേഖരിക്കുന്ന ഡാറ്റയുടെ സംഭരണവും ഫോർവേഡും ഇത് സാധ്യമാക്കും.
ഗ്രീൻ ആൻഡ് സേഫ് പ്രൊപ്പൽഷൻ സബ്സിസ്റ്റം: യുണൈറ്റഡ് കിംഗ്ഡത്തിൽ നിന്നുള്ള സ്റ്റീംജെറ്റ് വികസിപ്പിച്ചെടുത്ത ഗ്രീൻ പ്രൊപ്പൽഷൻ സബ്സിസ്റ്റം സാറ്റലൈറ്റ് പ്ലാറ്റ്ഫോം ആണിത്. ഈ സബ്സിസ്റ്റം ജലത്തെ പ്രാഥമിക പ്രൊപ്പല്ലന്റായി ഉപയോഗിക്കുന്നു, ഇത് ബഹിരാകാശ പ്രൊപ്പൽഷനിൽ സുസ്ഥിരവും പരിസ്ഥിതി സൗഹൃദവുമായ സമീപനം ഉറപ്പാക്കുന്നു.
