യുഎഇയിൽ താമസക്കാരുടെ ഫോൺ ഹാക്ക് ചെയ്യാനായി ഗാർഹിക സഹായ സേവനങ്ങൾ വാഗ്ദാനം ചെയ്തുകൊണ്ട് ഹാക്കർമാർ SMS അയക്കുന്നത് ശ്രദ്ധയിൽപെട്ടിട്ടുണ്ടെന്ന് യുഎഇ സൈബർ സുരക്ഷാ കൗൺസിൽ മുന്നറിയിപ്പ് നൽകി.
ക്രമരഹിതവും സംശയാസ്പദവുമായ ഏതെങ്കിലും നമ്പറിൽ നിന്ന് നിങ്ങൾക്ക് ഗാർഹിക സഹായ സേവനങ്ങളോ മറ്റേതെങ്കിലും പ്രമോ വാഗ്ദാനം ചെയ്യുന്ന സന്ദേശം ലഭിക്കുകയാണെങ്കിൽ അത് അവഗണിക്കുകയും തടയുകയും ചെയ്യണമെന്നും അതോറിറ്റി മുന്നറിയിപ്പ് നൽകി. അത്തരം കേസുകൾ ‘അമാൻ’ സേവനത്തിൽ 2626 800 ഡയൽ ചെയ്ത് ഉടൻ റിപ്പോർട്ട് ചെയ്യണം.
ഓൺലൈൻ തട്ടിപ്പുകൾ വിവിധ രൂപങ്ങളിലാണ് വരുന്നത്.. ഒരു ലിങ്കിൽ ക്ലിക്ക് ചെയ്താൽ ഒരാൾക്ക് ഹാക്ക് ചെയ്യാനാകും. ചിലർ വ്യാജ വെബ്‌സൈറ്റുകളിലോ വ്യാജ സോഷ്യൽ മീഡിയ അക്കൗണ്ടുകളിലോ വ്യാജ ഓഫറുകൾ ഉണ്ടാക്കി ലിങ്കിൽ ക്ലിക്ക് ചെയ്യിപ്പിച്ച് തട്ടിപ്പിനിരയാക്കും.
