അജ്മാനിലെ ഒരു ഫാക്ടറിയിൽ ഇന്നലെ ഫെബ്രുവരി 24 ന് ശനിയാഴ്ച ഒരു തീപിടിത്തമുണ്ടായതിനെത്തുടർന്ന് 9 പാകിസ്ഥാൻ സ്വദേശികൾക്ക് പരിക്കേറ്റതായി അധികൃതർ അറിയിച്ചു. പരിക്കേറ്റ ഒമ്പത് പേരേയും യുഎഇയിലെ വിവിധ ആശുപത്രികളിൽ പ്രവേശിപ്പിച്ചിരിക്കുകയാണ്.
പരിക്കേറ്റവർ സിന്ധ്, പഞ്ചാബ് പ്രവിശ്യകളിൽ നിന്നുള്ള പാക് പൗരന്മാരാണെന്ന് പാകിസ്ഥാൻ കോൺസുലേറ്റ് ജനറൽ ദുബായിൽ അറിയിച്ചു.
അജ്മാനിലെ സാനിറ്റൈസർ, പെർഫ്യൂം, അനുബന്ധ കെമിക്കൽ ഉൽപന്നങ്ങൾ സൂക്ഷിച്ചിരുന്ന ഫാക്ടറിയിലാണ് തീപിടിത്തം ഉണ്ടായത്.
