റമദാൻ മാസത്തിൽ യുഎഇയിൽ സ്വകാര്യ മേഖലയിലെ ജീവനക്കാർക്കുള്ള ജോലി സമയം പ്രഖ്യാപിച്ചു
ഇതനുസരിച്ച് യുഎഇയിൽ സ്വകാര്യ മേഖലയിലെ ജീവനക്കാർ സാധാരണയായി എട്ട് മുതൽ ഒമ്പത് മണിക്കൂർ വരെ ജോലി ചെയ്യുന്നുണ്ടെങ്കിൽ റമദാൻ മാസത്തിൽ അതിൽ നിന്നും രണ്ട് മണിക്കൂർ കുറയ്ക്കണമെന്നാണ് ഹ്യൂമൻ റിസോഴ്സ് ആൻഡ് എമിറേറ്റൈസേഷൻ (MoHRE) മന്ത്രാലയം അറിയിച്ചിട്ടുള്ളത്.
കുറച്ച ഷെഡ്യൂളിനപ്പുറം ജോലി ചെയ്യുന്ന അധിക സമയം ഓവർടൈം ആയി കണക്കാക്കാം, അതിന് തൊഴിലാളികൾക്ക് അധിക നഷ്ടപരിഹാരത്തിന് അർഹതയുണ്ട്. ജീവനക്കാരുടെ ജോലിയുടെ സ്വഭാവത്തിന് അനുസൃതമായി, ഫ്ലെക്സിബിൾ അല്ലെങ്കിൽ റിമോട്ട് വർക്ക് ഷെഡ്യൂളുകൾ നടപ്പിലാക്കാനും കമ്പനികൾക്ക് അവസരമുണ്ട്.