ദുബായ് അൽ വാസൽ സ്ട്രീറ്റിലെ തൂങ്ങിക്കിടന്ന ട്രാഫിക്ക് ലൈറ്റ് ശരിയാക്കിക്കൊണ്ട് അപകടസാധ്യത ഒഴിവാക്കിയതിന് തലാബത്തിൽ അഫിലിയേറ്റ് ചെയ്ത ഡെലിവറി റൈഡറായ സീഷൻ അഹമ്മദിനെ ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) ആദരിച്ചു.
സീഷൻ അഹമ്മദിന്റെ ദ്രുതഗതിയിലും ഉത്തരവാദിത്തപരവുമായ ഈ പ്രവർത്തനം ഓൺലൈനിൽ ഒരു വീഡിയോയിലൂടെ അതോറിറ്റി കാണുകയായിരുന്നു.
”ഒരു ദിവസം ഡെലിവറി ഓർഡർ ഇല്ലാത്തതിനാൽ ഞാൻ അൽ വാസൽ സ്ട്രീറ്റിലൂടെ ഡ്രൈവ് ചെയ്യുകയായിരുന്നു. പെട്ടെന്ന് തകർന്ന സിഗ്നൽ ഞാൻ ശ്രദ്ധിച്ചു. ഒരു പാനൽ വേർപെടുത്തി, അത് വളരെ അപകടകരമായി തൂങ്ങിക്കിടക്കുകയായിരുന്നു”
ഒരു കാറ്റുള്ള ദിവസമായിരുന്നു അന്ന്, ഒരു കാൽനടയാത്രക്കാരനെയോ മറ്റൊരു ഡ്രൈവറെയോ ഇടിച്ചേക്കുമെന്ന് ഞാൻ ഭയപ്പെട്ടു. അതിനാൽ, ഞാൻ വേഗം എൻ്റെ ബൈക്ക് പാർക്ക് ചെയ്തു അത് ശരിയാക്കാൻ ശ്രമിച്ചു. പക്ഷെ എൻ്റെ വീഡിയോ റെക്കോർഡുചെയ്ത് ആരോ ഓൺലൈനിൽ പോസ്റ്റ് ചെയ്തതായി എനിക്ക് അറിയില്ലായിരുന്നു. സംഭവം നടന്ന് രണ്ട് ദിവസത്തിന് ശേഷം സീഷാന് തലാബത്ത് മാനേജ്മെൻ്റിൽ നിന്ന് ഒരു കോൾ വരികയും തൻ്റെ കോൺടാക്റ്റ് വിശദാംശങ്ങൾ ആർടിഎ ആവശ്യപ്പെട്ടതായും പറഞ്ഞു. ആർടിഎയ്ക്ക് വീഡിയോ ലഭിച്ചുവെന്നും എന്നെ ആദരിക്കാൻ ആഗ്രഹിക്കുന്നുവെന്നും അവർ പറഞ്ഞു. തുടർന്ന് എന്നെ ആർടിഎ ആസ്ഥാനത്തേക്ക് ക്ഷണിച്ചു, അവിടെ എല്ലാവരും എന്നോട് ഒരു സഹോദരനെപ്പോലെയാണ് പെരുമാറിയത്. അവർ എൻ്റെ സേവനത്തിന് ആവർത്തിച്ച് നന്ദി പറഞ്ഞുകൊണ്ടിരുന്നു, സീഷൻ പറയുന്നു.
പത്ത് വർഷത്തിലേറെയായി യുഎഇയിൽ ഡെലിവറി റൈഡറായ സീഷാൻ പാകിസ്ഥാൻ സ്വദേശിയാണ്.