മക്കളോടൊപ്പം പെരുന്നാളാഘോഷിക്കാനെത്തിയ തൃശൂർ വടക്കേക്കാട് സ്വദേശി അബുദാബിയിൽ അന്തരിച്ചു.
യുഎഇയിലെ മുൻ പ്രവാസിയും തൃശൂർ വടക്കേക്കാട് സ്വദേശിയുമായ പൊന്തയിൽ കുഞ്ഞുമുഹമ്മദ് കാഞ്ഞിരപ്പുള്ളി (74) ആണ് അന്തരിച്ചത്. 4 ദിവസം മുമ്പ് യുഎഇയിലുള്ള മക്കളുടെ അടുത്ത് ഭാര്യക്കൊപ്പം പെരുന്നാളാഘോഷിക്കാനെത്തിയതായിരുന്നു.
തിങ്കളാഴ്ച്ച രാവിലെ രക്തസമ്മർദ്ദം കുറഞ്ഞ് ഇദ്ദേഹത്തെ അബുദാബിയിലെ മഫ്രക്ക് ആശുപത്രിയിൽ പ്രവേശിപ്പിച്ചതായിരുന്നു. വൈകുന്നേരത്തോടെ ഹൃദയാഘാതത്തെ തുടർന്നായിരുന്നു മരണം.
ഭാര്യ: സുലൈഖ. മക്കൾ: നൗഫൽ, നിഷാം, നിയാസ് (മൂന്നുപേരും യുഎഇ ), നവാസ്. മരുമക്കൾ : നിബിത, നൈന, മിൻസ്. കബറടക്കം ഇന്ന്( വ്യാഴം) രാവിലെ വടക്കേക്കാട് എരിഞ്ഞിപ്പടി ജമാഅത്ത് പള്ളിയിൽ നടന്നു.