തെക്ക് പടിഞ്ഞാറ് നിന്നുള്ള താഴ്ന്ന ഉപരിതല ന്യൂനമർദ്ദത്തെത്തുടർന്ന് ഏപ്രിൽ 14 ഞായറാഴ്ച്ച മുതൽ ഏപ്രിൽ 17 ബുധനാഴ്ച്ച വരെ അസ്ഥിരമായ കാലാവസ്ഥ രാജ്യത്തെ ബാധിക്കുമെന്ന് യുഎഇ ദേശീയ കാലാവസ്ഥാ കേന്ദ്രം (NCM ) ഇന്ന് വ്യാഴാഴ്ച അറിയിച്ചു.
ഞായറാഴ്ച മുതൽ കാലാവസ്ഥ ചിലപ്പോൾ ഭാഗികമായി മേഘാവൃതമായിരിക്കുമെന്നാണ് പ്രതീക്ഷിക്കുന്നത്. ചില പ്രദേശങ്ങളിൽ നേരിയ മഴയും ആന്തരിക, തെക്കൻ പ്രദേശങ്ങളിൽ ചിലപ്പോൾ കനത്ത മഴയും പെയ്തേക്കാം. പലയിടങ്ങളിലും വ്യത്യസ്ത തീവ്രതയോടെയുള്ള മഴയും ചില പ്രദേശങ്ങളിൽ ആലിപ്പഴവർഷവും ഉണ്ടായേക്കാം.
കടൽ പ്രക്ഷുബ്ധമാകാനും സാധ്യതയുണ്ട്. ബുധനാഴ്ചയോടെ മഴ മേഘങ്ങളുടെ അളവ് ക്രമേണ കുറയും.
