എത്തിഹാദ് എയർവേയ്‌സിൽ വിദേശത്തേക്ക് പോകുന്നവർക്ക് അബുദാബിയിൽ 2 ദിവസം വരെ സൗജന്യമായി താമസിക്കാൻ അവസരം. എത്തിഹാദ് എയർവേയ്‌സും സാംസ്‌കാരിക വിനോദസഞ്ചാര വകുപ്പും – അബുദാബി (DCT Abu Dhabi) ചേർന്നാണ് ഈ അബുദാബി സ്റ്റോപ്പ്ഓവർ ലോഞ്ച് പരിപാടി ദുബായിൽ നടക്കുന്ന അറേബ്യൻ ട്രാവൽ മാർക്കറ്റിൽ വെച്ച് പ്രഖ്യാപിച്ചത്.
മറ്റ് സ്‌ഥലങ്ങളിലേക്കുള്ള യാത്രയ്ക്കിടെ ഒന്നോ രണ്ടോ ദിവസം അബുദാബിയിൽ തങ്ങി ഇഷ്ടമുള്ള സ്ഥലങ്ങളും വിനോദസഞ്ചാരകേന്ദ്രങ്ങൾ കാണാനും സമയം ലഭിക്കും. ഡിസിടി അബുദാബിയുടെ ടൂറിസം ഡയറക്ടർ ജനറൽ ഹിസ് എക്‌സലൻസി സാലിഹ് മുഹമ്മദ് അൽ ഗെസിരിയും എത്തിഹാദിൻ്റെ സിഇഒ അൻ്റൊണാൾഡോ നെവെസും തമ്മിൽ ഇതുസംബന്ധിച്ചുള്ള ധാരണാപത്രത്തിൽ ഒപ്പുവെച്ചിട്ടുണ്ട്.
എത്തിഹാദ് എയർവേയ്‌സിന് മാത്രമുള്ള അബുദാബി സ്റ്റോപ്പ്ഓവർ, അബുദാബി വഴി പറക്കുന്ന അതിഥികൾക്ക് ലോകോത്തര ഹോട്ടലുകൾ, ബീച്ചുകൾ, ഊർജ്ജസ്വലമായ ഡൈനിംഗ് സീൻ, ഫുൾ ത്രോട്ടിൽ വിനോദം എന്നിവയാസ്വദിക്കാം.
എത്തിഹാദിൽ ഫ്ലൈറ്റുകൾ ബുക്ക് ചെയ്യുമ്പോൾ, ഓൺലൈൻ ബുക്കിംഗ് പ്രക്രിയയുടെ ഭാഗമായി അതിഥികൾക്ക് ഒരു സ്റ്റോപ്പ് ഓവർ ചേർക്കാനും കോംപ്ലിമെൻ്ററി ഹോട്ടൽ തിരഞ്ഞെടുക്കാനുമുള്ള ഓപ്‌ഷൻ ഉണ്ടാകും. നഗരത്തിലുടനീളമുള്ള പ്രീമിയർ ഹോട്ടലുകളുടെ ശ്രേണിയിൽ അതിഥികൾക്ക് ഒന്നോ രണ്ടോ രാത്രികൾ സൗജന്യ താമസം തിരഞ്ഞെടുക്കാം. etihad.com-ൽ നേരിട്ട് ബുക്ക് ചെയ്യുമ്പോൾ മാത്രമേ സ്റ്റോപ്പ് ഓവർ പാക്കേജുകൾ ലഭ്യമാകൂ.
