ഗാസയിലെ അൽ മർവാനി ഫീൽഡ് ഹോസ്പിറ്റലിലേക്ക് യു.എ.ഇ ഒരു എക്സ്-റേ മെഷീനും പൂർണ്ണമായും സജ്ജീകരിച്ച ആംബുലൻസും എത്തിച്ചു.
യുഎഇയുടെ ‘ഓപ്പറേഷൻ ചൈവൽറസ് നൈറ്റ് 3’ ൻ്റെയും ഫലസ്തീൻ കുടുംബങ്ങൾക്ക് നൽകുന്ന മെഡിക്കൽ സേവനങ്ങളുടെ ഗുണനിലവാരം മെച്ചപ്പെടുത്തുന്നതിനുള്ള നിരന്തരമായ ശ്രമങ്ങളുടെയും ഭാഗമാണ് ഈ സംഭാവന.
മെഡിക്കൽ ഉപകരണങ്ങൾ, സപ്ലൈസ്, മരുന്നുകൾ എന്നിവ നൽകുന്ന യുഎഇയുടെ തുടർച്ചയായ പിന്തുണക്ക് ഫലസ്തീൻ ആരോഗ്യ മന്ത്രാലയം നന്ദി അറിയിച്ചിട്ടുണ്ട് . ഗാസ മുനമ്പിലെ ആശുപത്രികൾ പ്രവർത്തനക്ഷമമായി നിലനിർത്തുന്നതിന് ഈ പിന്തുണ അത്യന്താപേക്ഷിതമാണ്, പ്രത്യേകിച്ചും റഫയിലെയും ഗാസ മുനമ്പിലെ മറ്റ് ഗവർണറേറ്റുകളിലെയും പ്രയാസകരമായ സാഹചര്യങ്ങൾ കാരണം നിരവധി സൗകര്യങ്ങൾ അടുത്തിടെ അടച്ചിരുന്നു.
